წალკის მუნიციპალიტეტის სოფელ ჩრდილისუბანში მგელი ადგილობრივებს თავს დაესხა. მტაცებლის მოგერიება 24 წლის ტარიელ მიქელაძემ შეძლო, რომელიც მას უიარაღოდ შეებრძოლა. ინციდენტი 19 მარტს, საღამოს მოხდა.

"უნდა მოგიყვეთ ამბავი, რომელიც მითიური გეგონებათ... ეს ტარიელია წალკაში ცხოვრობს მის სოფელში აგრესიული მგელი შევარდა და ქალებს თავს დაესხა. ეს ადამიანი შიშველი ხელებით შეებრძოლა მგელს და დაამარცხა" -წერს ჯაბა ხინიკაძე.

"საღამო ხანს ორი ქალბატონი სახლისკენ მიდიოდა. როდესაც ერთი შინ შევიდა, სახლის აივანზე მგელი დაესხა თავს. ყვირილზე მეორე ქალიც მივარდა. მგელმა ისიც დაკბინა. მათი გადარჩენა მეზობლად მცხოვრებმა ტარიელ მიქელაძემ შეძლო, რომელიც უიარაღოდ შეეჭიდა მგელს. საბოლოოდ, მტაცებელი მეზობლებმა ხელკეტებითა და ნაჯახით მოკლეს“, – უთხრა „რეგინფოს“ წალკის მერმა, ილია საბაძემ.

ერთ-ერთ ქალს მგელმა ხელზე უკბინა, მეორეს კი ჭრილობა ყელის არეში აქვს. დაზიანებები მიიღო თავად ტარიელ მიქელაძემაც. მათ სიცოცხლეს საფრთხე არ ემუქრება. ყველა მათგანს ჩაუტარდა აცრები და სხვა სამედიცინო დახმარება გაეწიათ.

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება