შინაგან საქმეთა მინისტრმა, გიორგი გახარიამ ტელეკომპანია პირველის ეთერში, ხორავას ქუჩაზე მოკლულუ მოზარდის დავით  სარალიძის საქმესთან დაკავშირებით ისაუბრა.

მინისტრის განცხადებით, სანამ შინაგან საქმეთა მინისტრი იქნება,  ყველაფერს გააკეთებს იმისთვის, რომ ეს საქმე  ბოლომდე იყოს მიყვანილი და ამას წერტილი დაესვას.

„რა თქმა უნდა, ეს მძიმე თემაა. პერსონალურად შემიძლია ვთქვა, რომ ეს ჩემი პირადი ტრაგედიაც არის, აბსოლუტურად გულწრფელად ვამბობ ამას. 2 დღის მოსული ვიყავი მე შინაგან საქმეთა სამინისტროში, როდესაც ეს მოხდა და უზომო ძალისხმევა გატარდა მაშინ იმისთვის, რომ ეს ყველაფერი, შედეგი ყოფილიყო ობიექტური და რეალური. თუმცა, როგორც ჩანს ყველაფერი არ იყო გაკეთებული და გარკვეული ხარვეზები იყო დაშვებული. კონცეპტუალურად, მე მინდა გითხრათ ესეთი რამ, რომ მე მესმის, არ აქვს ამას არანაირი მნიშვნელობა მშობლებისთვის და ვერავინ ვერ იპოვის იმ სიტყვებს , რომელიც ნუგეშის სიტყვები იქნება, თუმცა, მე საერთოდ შემიძლია გითხრათ, რომ ადამიანურად ჩემი და კიდევ ბევრი ადამიანის ეს მუდმივი ტვირთი იქნება, მართლა ასე იქნება, იქიდან გამომდინარე, რომ მიუხედავად იმისა, რომ შეიძლება ფორმალური, მორალური პროცედურებით ვიღაცას კანონის პირდაპირი დარღვევა არ ჩაუდენია. ვიღაცას აქვს მაგალითად საშუალება ფორმალური იურიდიული მხარით ისეთი პასუხი გაგცეთ, რა პასუხიც თქვენ მიიღეთ. მიუხედავად ამისა, არსებობს რაღაც მორალური განზომილება და ეს მორალური განზომილება ხშირ შემთხვევაში ბევრად უფრო მნიშვნელოვანია. დღეის მდგომარეობით, მე სანამ ვიქნები შინაგან საქმეთა მინისტრი და სანამ ამის საშუალება მექნება, ყველაფერს გავაკეთებ იმისთვის, რომ ეს საქმე იყოს ბოლომდე მიყვანილი და მას წერტილი დაესვას. არის რამდენიმე პროცედურა, აპელაცია მიმდინარეობს, როგორც ვიცი ბრალდების მხარემ ბოლო სიტყვა უკვე თქვა, შემდგომ იქნება დაცვის მხარე, შემდგომ იქნება განაჩენი. ჩვენ შინაგან საქმეთა სამინისტროში პარალელურად გამოძიებას ვაგრძელებთ. კიდევ ერთხელ ვიმეორებ, კიდევ ერთხელ ხაზგასმით ვამბობ, მე იმედი მაქვს იმის, რომ იმ პროცესში, რომელიც დღეს აპელაციაში მიდის გარკვეული ახლადგამოვლენილი გარემოებიდან გამომდინარე, ჩვენ პროგრესი გვექნება და წინსვლა გვექნება, ისევე როგორც იმედი მაქვს, რომ ამ საქმის ფარგლებში, რომელსაც ჩვენ ვიძიებთ, გავაგრძელებთ. რა თქმა უნდა ძალიან კარგად მესმის, რომ რასაც მე ახლა ვამბობ ეს არ არის სასიამოვნო მოსასმენი, მაგრამ ეს არის ის ფორმალური იურიდიული მხარე, რასაც ჩვენ მივყვებით“, - განაცხადა გიორგი გახარიამ.  

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ს შესაძლოა წარმომადგენელთა პალატის პირველი შავკანიანი სპიკერი ჰყავდეს

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ