საერთაშორისო კონფერენცია „ხარისხის თანავარსკვლავედი - 2015“ გაიხსნა.

კონფერენციის გახსნას აჭარის ა/რ უმაღლესი საბჭოს თავმჯდომარე ავთანდილ ბერიძე, აჭარის ა/რ ჯანმრთელობისა და სოციალური დაცვის მინისტრი ნუგზარ სურმანიძე და აჭარის სოფლის მეურნეობის მინისტრი ზაურ ფუტკარაძე ესწრებოდნენ. მათ მონაწილეებს სიტყვით მიმართეს.

„მოხარული ვარ რომ წელს ეს მნიშვნელოვანი ღონისძიება აჭარაში ტარდება. ცენტრალურ და აღმოსავლეთ ევროპაში ეს არის საქმიანი სრულყოფილებისა და ხარისხის სფეროში ერთ-ერთი ყველაზე პრესტიჟული პროექტი, რომელიც აქამდე ტრადიციულად ყირიმის ოლქში, ქ. სუდაკში ტარდებოდა. ღონისძიების მნიშვნელობაზე მეტყველებს ისიც, რომ პროექტის მხარდამჭერები არიან ევროპის ხარისხის ორგანიზაცია (EOQ) და ხარისხის მენეჯმენტის ევროპული ფონდი (EFQM). აღსანიშნავია ასევე, რომ ღონისძიებებში ტრადიციულად მონაწილეობენ ცენტრალური დააღმოსავლეთ ევროპის 10- 12 ქვეყნის წამყვანი ორგანიზაციებისა და საწარმოების წარმომადგენლები“, - განაცხადა ნუგზარ სურმანიძემ სიტყვით გამოსვლისა.

საერთაშორისო პროექტი "ხარისხის თანავარსკვლავედი" უკრაინის ხარისხის ასოციაცია (UAQ) ხარისხის პროფესიონალთა საერთაშორისო გილდიის, ცენტრალური და აღმოსავლეთ ევროპის ქვეყნების ხარისხის ლიდერთა კლუბსა და რუსეთის ხარისხის ორგანიზაციის მიერ 15 წელია ხორციელდება. კონფერენციაში მონაწილეობენ უკრაინის, აზერბაიჯანის, რუსეთის, ყაზახეთის და სხვა ქვეყნების სახელმწიფო სტანდარტებისა და ხარისხის ორგანიზაციების წარმომადგენლები.

პროექტის ფარგლებში განიხილება შემდეგი თემები: მენეჯმენტის სისტემის სტანდარტების განვითარება, მათ შორის ISO 9001:2015 სტანდარტის ახალი ვერსია. ორგანიზაციების სრულყოფილება EFQM სრულყოფილების ფუნდამენტალური კონცეპციისა და EFQM სრულყოფილების მოდელის საფუძველზე; კაიძენ მუდმივი სრულყოფილების მეთოდოლოგია; ზოგადი პრინციპებიდან კონკრეტულ ინსტრუმენტებმადე; ეფექტური ლიდერობა და ბიზნესის ფსიქოლოგიური ასპექტები; კომპანიების საწარმოო სისტემების განვითარება და ტრანსფორმაცია სათუთი წარმოების მეთოდების საფუძველზე, 20 გასაღები და სხვა; ეფექტური მიდგომები ორგანიზაციის სტრატეგიის განსაზღვრისა და რეალიზაციისადმი;  ორგანიზაციის მენეჯმენტში არსებული რისკების მართვა, მათ შორის სტანდარტის ISO 31000 საფუძველზე;  პერსონალის მართვა, მიმართული თანამშრომელთა უნარების გამოვლენასა და გამოყენებაზე;  პარტნიორული ურთიერთობების განვითარებით ღირებულებათა ჯაჭვის შექმნა და სრულყოფა;  ცოდნის მართვა და გამოყენება;  მომხმარებელთა მოთხოვნების გარკვევა და ღირებულებათა შექმნა მათთვის.

კონფერენციის ფარგლებში აღმოსავლეთ ევროპაში მოღვაწე ყველაზე წარმატებული ბიზნესის წარმომადგენლები მონაწილეებს გაუზიარებენ მათ პრაქტიკული გამოცდილებას. პროგრამა ასევე მოიცავს საქართველოში ხარისხის სფეროში წამყვანი ორგანიზაციების ლიდერების გამოსვლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს