შინაგან საქმეთა მინისტრის მოადგილის ნათია მეზვრიშვილის განცხადებით, ეუთო-ს ანგარიშით სამართალდამცავი ორგანოების საქმიანობა კარგად შეფასდა. 

„ეუთო-ს ანგარიშით საკმაოდ კარგად შეფასდა სამართალდამცავი ორგანოების საქმიანობა. კერძოდ, ის საკითხები, რაც შინაგან საქმეთა სამინისტროს კომპეტენციას მიეკუთვნებოდა. ანგარიშში აღნიშნულია, რომ მოხდა რამდენიმე ცალკეული ინციდენტი, მათ შორის ის ძალადობრივი ინციდენტები, რომელზეც შინაგან საქმეთა სამინისტრომ მოახდინა დაუყოვნებლივ რეაგირება. მოხდა ამ ფაქტების გამოძიება და 27 პირია სისხლის სამართლებრივ პასუხისგებაში მიცემული“, - განაცხადა ნათია მეზვრიშვილმა.

ამავე საკითხთან დაკავშირებით, ქართული ოცნების დეპუტატმა, აკაკი ზოიძემ „ტელეკომპანია პირველის“ ეთერში ისაუბრა.

მისი განცხადებით საარჩევნო პროცესში შინაგან საქმეთა სამინისტრო პოლიტიკურად ნეიტრალური იყო და ინციდენტების დროს პასუხისგებაში იქნენ მიცემული სახელისუფლებო პარტიის წარმომადგენლები, რაც ეუთოს დასკვნაშიც არის ასახული.

„ამ დასკვნით წარმოჩნდა, რომ შინაგან საქმეთა სამინისტრო იყო პოლიტიკურად ნეიტრალური. პირველად საქართველოს ისტორიაში მოხდა, რომ 72 საქმე აღიძრა და 27 ადამიანი იქნა პასუხისგებაში მიცემული, მათ შორის, სახელისუფლებო პარტიის წარმომადგენლებიც თუ მხარდამჭერები.“- განაცხადა აკაკი ზოიძემ.

(NS)

ავტორი: ,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე