ეუთო-ს საბოლოო დასკვნა უნდა იყოს სახელმძღვანელო პრინციპები ხელისუფლებისთვის, რადგან შემდეგი არჩევნებისთვის საქართველოს რეპუტაციას ჩრდილი არ მიადგეს, - ასე შეაფასა „ევროპული საქართველოს“ წევრმა  და ეუთო-ს საპარლამენტო ასამბლეის პრეზიდენტმა გიგი წერეთელმა საპრეზიდენტო არჩევნებთან დაკავშირებით ეუთო-ს საბოლოო დასკვნა.

წერეთელი აცხადებს, რომ დასკვნაში არჩევნების შეფასების თვალსაზრისით ბევრი კრიტიკა იყო შეტანილი. 

„ეუთო-მ გამოაქვეყნა თავისი საბოლოო დასკვნა საქათველოში საპრეზიდენტო არჩევნებთან დაკავშირებით. ვფიქრობ, რომ ძალიან ბევრი, მძაფრად კრიტიკული მოსაზრებაა, რაც ეხებოდა ადმინისტრაციულ რესურსს, იმ სქემას, რომლითაც ხდებოდა ვალების დაფარვა და არის მიუღებელი სტანდარტი. თუ რაიმე პოზიტივი არსებობს, ესეც ყოველთვის აღინიშნება ეუთო-ს დასკვნაში, მაგრამ კრიტიკული ძალიან ბევრია და ეს უნდა იყოს სახელმძღვანელო პრინციპები პირველ რიგში ხელისუფლებისთვის. ამ დასკვნას არავითარ შემთხვევაში არ უნდა გაეცეს პასუხი რომ „ეს არ არის სწორი“ ან „სხვანაირად იყო და დამკვირვებლებს ეშლებათ“, არამედ უნდა ითქვას, რომ ეს პრობლემები აღარ არსებობდეს უნდა შემდეგი არჩევნებისთვის და საქართველოს რეპუტაციას არ უნდა მიადგეს ჩრდილი ასეთი პროცესის შემდეგ“, - განაცხადა გიგი წერეთელმა.

ცნობისთვის, საქართველოში ჩატარებულ 2018 წლის საპრეზიდენტო არჩევნებთან დაკავშირებით ეუთომ საბოლოო ანგარიში გამოაქვეყნა.

ავტორი: ,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას