პარლამენტის დამოუკიდებელი დეპუტატი ეკა ბესელია ყოფილი თანაგუნდელის მამუკა მდინარაძის განცხადებას ეხმაურება, რომლის თანახმადაც პარლამენტის სპიკერის ირაკლი კობახიძის იმპიჩმენტის საკითხზე საუბარი არასერიოზულია.

ბესელიას განმარტებით, ირაკლი კობახიძის იმპიჩმენტის საკითხი არ დაუწყია, თუმცა თუ შესაბამის გადაწყვეტილებას მიიღებს, დეპუტატის მტკიცებით საქმეს ბოლომდე მიიყვანს.

„ვისაც არასერიოზულად მიაჩნია, ერთ მშვენიერ დღეს არ აღმოაჩინოს, რომ ეს უფრო სერიოზულია, ვიდრე ჰგონიათ. მაგრამ მე ეს პროცესი ჯერ არ დამიწყია. მე ვთქვი, როდესაც მკითხეს გამოვრიცხავ თუ არა და ვთქვი, რომ არ გამოვრიცხავ. მაგრამ არ დამიწყია. თუ დავიწყებ ბოლომდეც მივიყვან, იმიტომ რომ რასაც ვიწყებ ის ბოლომდე მიმყავს. ამიტომ ნუ წამაქეზებენ. მე ვიცი როდის რა ნაბიჯი გადავდგა. წინ არის ძალიან მნიშვნელოვანი რამდენიმე კენჭისყრა კიდევ, რომელიც ეხება კანონპროექტებს, როგორ მოხდება უზენაესი სასამართლოს მოსამართლეების არჩევა“, -განაცხადა ეკა ბესელიამ. 

ცნობისთბის, ეკა ბესელიამ არ გამორიცხა, რომ შესაძლოა პარლამენტის თავმჯდომარის ირაკლი კობახიძის იმპიჩმენტის საკითხი დადგეს. ამ განცხადებას მოგვიანებით ფრაქცია "ქართული ოცნების" თავმჯდომარე მამუკა მდინარაძე გამოეხმაურა და აღნიშნა, რომ ასეთ საკითხზე საუბარი არასერიზულია.

ავტორი: ,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას