“ვფიქრობ, რომ ეს არის ჯანსაღი პროცესი, ყველა ადამიანს აქვს საკუთარი არჩევანის გაკეთების შესაძლებლობა“, - ასე გამოეხმაურა პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი დეპუტატ ბექა ნაცვლიშვილის მიერ საპარლამენტო უმრავლესობის დატოვებას.

როგორც მან აღნიშნა, თანაგუნდელების უმრავლესობიდან წასვლა მისთვის სასიხარულო არ არის, თუმცა გუნდი ერთიანობას ინარჩუნებს.

„ბექა ნაცვლიშვილთან პერსონალურად ძალიან კარგი ურთიერთობა მაქვს, დანარჩენი მისი გადასაწყვეტი იყო, მან გამოთქვა ამის სურვილი და შესაბამისად, ეს იყო მისი გადაწყვეტილება. მე ვფიქრობ, რომ ეს არის ჯანსაღი პროცესი, ყველა ადამიანს აქვს საკუთარი არჩევანის გაკეთების შესაძლებლობა და უპრეცედენტო მოვლენებთან გვაქვს საქმე, რომ ასე ჯანსაღად მიმდინარეობს მსჯელობა, კამათი. ეს არის პროცესი, რომელიც კიდევ ერთხელ მიუთითებს ჩვენს ქვეყანაში მაღალ დემოკრატიაზე, როდესაც ვერ თანხმდებიან თუნდაც ერთ კონკრეტულ გუნდში კოლეგები, ეს შესაძლოა გახდეს საფუძველი იმისა, რომ ისინი გავიდნენ უმრავლესობიდან.

რაც შეეხება ზოგადად კოლეგებს, მათი წასვლით გახარებული ვარ თქო რომ გითხრათ, ეს ასე არ არის, მიუხედავად ბოლო დროს განვითარებული იმ შეურაცხმყოფელი განცხადებებისა, რომელიც რამდენიმე კოლეგის მხრიდან იყო. ვფიქრობ, რომ ეს ძალიან ცუდი რამ არის  და ეს ურთიერთობას ავნებს. ჩვენი საზოგადოებაც არ უნდა დავღალოთ ერთმანეთთან კინკლაობით, უნდა ვაკეთოთ საქმე, ჩვენი საზოგადოების დაკვეთა რაც არის და შევქმნათ კიდევ უკეთესი პირობები იმისათვის, რომ ჩვენი საზოგადოების დაკვეთები შევასრულოთ, ეს არის ჩვენი მთავარი ამოცანა. რაც შეეხება გუნდს, ის არის მყარი, ჩვენ ვგრძნობთ ჩვენი საზოგადოების ინტერესებს ძალიან კარგად“, - აღნიშნა ანრი ოხანაშვილმა. 

ავტორი: ,

სოციალური ქსელები

ერთი გაბედული ნაბიჯი ახალი შესაძლებლობებისკენ – გაიცანით ანასტასია, საქართველოს ბანკის სტიპენდიატი UWC პროგრამაში

პარლამენტმა პირველი მოსმენით მხარი დაუჭირა ცვლილებას, ერთიანი, 100 000-ლარიანი ზღვრის დაწესების შესახებ

„გაიარე მეტი“ ანტარქტიდაზე - „თეგეტას“ მხარდაჭერით პირველი ქართული სამეცნიერო ექსპედიცია „ცისკარი“ სტარტისთვის ემზადება

შსს: 1 ოქტომბრის აქციაზე ენმ-ს გაფრთხილება კანონის მოთხოვნებს არ აკმაყოფილებდა