ლაგუნა ვერეს ტერიტორიაზე მცხოვრებლების განცხადებით, მათ  ღამით ცხოველის ხმა გაიგეს. 
რის შემდეგაც მათ 112 -ში დარეკეს. 
მაშველებმა ერთ-ერთ ქალბატონს განუცხადეს, რომ პრობლემა მოგვარებულია, თუმცა როგორ მათ არ დაუკონკრეტებიათ. 
ამის შესახებ ინფორმაციას ტელეკომპანია „რუსთავი 2“ ავრცელებს.
ტელეკომპანიის ინფორმაციით,  ლაგუნა ვერეს ტერიტორიაზე მცხოვრებმა ქალბატონმა განაცხადა, რომ მას შემდეგ რაც ვეფხვმა ადამიანი დაგლიჯა გადარეკა ამ მამაკაცთან მან უთხრა,  რომ „ჩემი ცვლა შეიცვალა და ახლა მე მძინავს“. 
ამასთან,  „რუსთავი 2“ -მა გადაამოწმა აღნიშნული ინფორმაცია მამაკაცთან, რომელთანაც ქალბატონმა დარეკა. 
მამაკაცის თქმით, ის საპატრულო პოლიციის  თანამშრომელია,  თუმცა ის  ვინაობას არ აკონკრეტებს. 
როგორც მამაკაცმა აღნიშნა, ის გამოძახების ადგილზე მივიდა. 
„ზოოპარკიდან მოდიოდა ცხოველის ხმა, ეტყობა კლეტკიდან მოდიოდა ხმამეთქი, ვინ შევიდოდა შიგნით, რა ღონისძიება უნდა ჩამეტარებინა დილის 5 საათი იყო. მომეთვინიერებინა ცხოველი თუ რა უნდა მექნა?! ხმა გავიგე 2-ჯერ რომ დაიყმუვლა, ლომი იყო, თუ - ვეფხვი, მაგას ვერ ვიტყვი“, - განაცხადა მამაკაცმა.

ამასთან ზოოპარკის ადმინისტრაციამ "ექსპრესნიუსს" ჯერ კიდევ გუშინ უთხრა, რომ რამდენიმე მტაცებელს ეძებდნენ.

„ვეძებთ ერთ დათვს და ერთ ვეფხვს. ვეძებთ ასევე ზოლებიან აფთარს, რომელიც ადამიანებისთვის საშიში საერთოდ არ არის, რადგან ის ჩვეულებრივი ძაღლივითაა“, - განაცხადა მზია შარაშენიძემ.

მისი განმარტებით, ზოოპარკის ადმინისტრაცია საბოლოო ინფორმაციას დასუფთავების სამსახურისგან ელოდება, რადგან მათ გადაიყვანეს გარეთ დახოცილი ცხოველები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს