ადვოკატი - ფარული ჩანაწერები გიორგი გასვიანმა მხოლოდ ნახა, მისი მხრიდან კადრების გავრცელება არ მომხდარა

2019-02-01 18:37:57, 1737 ნახვა

სამართალი

ფარულ ვიდეოჩანაწერებთან დაკავშირებით დაკავებული პირებიდან ერთ-ერთის მომღერალი, გიორგი გასვიანის ადკოკატის კახა ხვისტანი, მისი დაცვის ქვეშ მყოფი პირის ბრალდებას არ ეთანხმება.

როგორც უფლებადამცველმა აღნიშნა, გასვიანს ვიდეო სოციალურ ქსელში გაუგზავნეს და მას აღნიშნული ბოლომდე არც კი უნახავს.

„ამ ბრალდებას დაცვის მხარე ვერ დაეთანხმება. არავითარი ქმედება გიორგი გასვიანს, რაც ამ ბრალის მოცემულობაში შეიძლება ჩაჯდეს, არ განუხორციელებია. საზოგადოებისთვის, რომ იყოს ცნობილი და გასაგები, Facebook-ის მესინჯერის საშუალებით, მას გადაუგზავნეს კადრები, რომელიც მხოლოდ ნახა და გიორგი გასვიანის როლი ამ კადრების ნახვაში გამოიხატა მხოლოდ და მხოლოდ. მას გამოძიება არ ედავება გავრცელებას, შენახვას ედავება, თუმცა, უნდა აღვნიშნო, რომ მისი მხრიდან აღნიშნული მესინჯერის პროგრამიდან მის პირად კომპიუტერში ან სხვაგან ის გადმოწერილი და შენახული არ ყოფილა“, - განაცხადა ადვოკატმა.

შეგახსენებთ, რომ ფარულ ვიდეოჩანაწერებთან დაკავშირებით შსს-მ სულ 16 პირი დააკავა.

ავტორი: ,

სოციალური ქსელები