ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა უმრავლესობა პოლიციის საქმიანობას დადებითად აფასებს.

უფრო კონკრეტულად, გამოკითხულთა 7%-მა პოლიციის საქმიანობა „ძალიან კარგად“ შეაფასა, 60%-მა - „კარგად“, 18%-მა - „ცუდად“, 3%-მა - „ძალიან ცუდად“, ხოლო 12%-მა აღნიშნა, რომ პოლიციის საქმიანობის შესახებ „არ იცის“.

რაც შეეხება შეკითხვას, - „მიგიმართავთ თუ არა პოლიციისთვის ბოლო 2 წლის განმავლობაში“, გამოკითხულთა 94%-მა აღნიშნა, რომ არ მიუმართავს, 5%-მა კი, მიმართა. ამასთან, ამ 5%-დან უმეტესობამ პოლიციას მიმართა, როგორც მსხვერპლმა და ისინი რეაგირებით კმაყოფილები არიან.

ასევე დადებითად აფასებს გამოკითხულთა უმრავლესობა შინაგან საქმეთა სამინისტროს საქმიანობას: 6% - „ძალიან კარგად“; 41% - „კარგად“; 18% - „ცუდად“; 5% - „ძალიან ცუდად“; 29%-მა განაცხადა რომ შსს-ს საქმიანობის შესახებ „არ იცის“; 1%-მა პასუხის გაცემა არ ისურვა.

კვლევა, 2018 წლის 6-20 დეკემბრის პერიოდში, საქართველოს მასშტაბით 2,205 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 2.1 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი