„შინაგან საქმეთა სამინისტროს მიერ ინიცირებული იყო 9 კანონპროექტი, მათ შორის „ქურდული სამყაროს" და „კანონიერ ქურდების" წინააღმდეგ, რომელიც ფაქტობრივად თავიდან დაიწერა“, - ამის შესახებ შინაგან საქმეთა მინისტრმა, გიორგი გახარიამ პარლამენტში, რიგგარეშე სხდომაზე ანგარიშის წარდგენისას განაცხადა.

ამასთან, გიორგი გახარიამ პარლამენტის წევრებს ის საკანონმდებლო ცვლილებები და სამომავლო გეგმები, წარუდგინა რაც შინაგან საქმეთა სამინსიტრომ  მოამზადა.

„ჩვენი 2018 წლის მუშაობის შედეგების ძალზედ მნიშვნელოვანი კომპონენტი გახლავთ საკანონმდებლო ინიციატივები, რომლებიც თქვენს მიერ იყო მხარდაჭერილი. შინაგან საქმეთა სამინისტროს მიერ ინიცირებული იყო 9 კანონპროექტი, მათ შორის „ქურდულ სამყაროსთან" დაკავშირებით და „კანონიერ ქურდების" წინააღმდეგ შექმნილი კანონი, რომელიც ფაქტიურად თავიდან დაიწერა, იმ ცვლილებებით, რომელმაც ფაქტიურად მოგვცა საშუალება, რომ ბოლო ერთი წლის განმავლობაში, 200-ზე მეტი ადამიანი მიგვეცა პასუხისგებაში ქურდული მენტალიტეტის და კრიმინალური მენტალიტეტიდან გამომდინარე. გამკაცრდა ცრუ ჩენების, ჩვენებაზე უარის თქმის, დანაშაულის დაფარვის და შეუტყობინებლობის ნაწილი.  ასევე გამკაცრდა და ცვლილებები განხორციელდა ოჯახში ძალადობის კონტექსტში. ასევე მოგეხსენებათ, რომ თქვენთან ერთად ვიმუშავეთ მარიხუანასთან მიმართებით საკანონმდებლო ცვლილებებზე, რაც ძალზედ მნიშვნელოვანი იყო. ცვლილებები გატარდა და ფაქტობრივად პრინციპულად შეიცვალა მანდატურების მარეგულირებელი კანონმდებლობა და წვრილმანი ხულიგნობის და პოლიციელების კანონიერი მოთხოვნისთვის დაუმორჩილებლობის ნაწილი. ახლა რაც შეეხება 2019 წელს, ჩვენ იმედი გვაქვს, რომ ჩენი თანამშრომლობა გაგრძელდება. უახლოეს პერიოდში ჩვენ წარმოგიდგენთ საკანონმდებლო ცვლილებებს, რომელიც მოახდენს ქუჩური გარჩევის კრიმინალიზებას. ასევე, ვფიქრობთ, რომ უახლოეს პერიოდში წარმოვადგენთ საკანონმდებლო ცვლილებებს სისხლის სამართლის საპროცესო კოდექსში,  რომლებიც გამომძიებელსა და პროკურორს შორის, პირდაპირი უფლება-მოვალეობების უფრო მკაფიო გამიჯვნას შეუწყობს ხელს. ასევე ჩვენ დავაინიცირებთ საკანონმდებლო ცვლილებებს პოლიციის შესახებ და ოპერატიულ სამძებრო ღონისძიების შესახებ, საქართველოს კანონმდებლობაში. რაც მთავარია, ადმინისტრაციულ სამართალდარღვევათა კოდექსის ძირეულ გარდაქმნაშიც წარმოგიდგენთ ჩვენს ინიციატივებს. უახლოეს პერიოდში იქნება წარმოდგენილი ცივი იარაღის მარეგულირებელი კანონმდებლობა. ეს ის ძირითადი საკანონმდებლო ცვლილებებია რომლებზეც ჩენ ვისაუბრებთ თქვენთან ერთად, 2019 წლის განმავლობაში." - განაცხადა გიორგი გახარიამ.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს