გამოსაძიებელი საქმის ხანდაზმულობის ვადა შესაძლოა, 5 წლით გახანგრძლივდეს, - ამის შესახებ პარლამენტის იურიდიულ საკითხთა კომიტის თავმჯდომარემ ეკა ბესელიამ განაცხადა. 

როგორც ბესელიამ განმარტა, აღნიშნულ ცვლილებას პარლამენტი დაჩქარებული წესით მიიღებს. საპარლამენტო უმრავლესობის წევრის შეფასებით, პრეზიდენტ სალომე ზურაბიშვილის მიმართვა იყო სწორი იმ აქცენტით, რომ პარლამენტმა საკანონმდებლო კუთხით არსებული შესაძლებლობები გამოიყენოს.

"შესაძლებელია ხანდაზმულობის ვადა გავზარდოთ 5 წლით, რაც შესაძლებელს გახდის, რომ ამ საქმეზე გამოძიება არ შეწყდეს ხანდაზმულობის მოტივით. მე ვფიქრობ, რომ არსებობს სისხლის სამართლის კოდექსში ცვლილების შეტანის გზა და მე პირადად მზად ვარ დავიწყო ამაზე მუშაობა. შემდეგი კვირისთვის შესაძლებელი იქნება ამის ინიცირება და მე დაველაპარაკებოდი კოლეგებს და იქნებ მოვახერხოთ და დაჩქარებული წესით მივიღოთ ეს ცვლილება, რომ მოესწროს. ეს არის ყველაზე მოკლე გზა, რომ ამ საქმეზე გამოძიება გაგრძელდეს",- განაცხადა ეკა ბესელიამ.

ცნობისთვის, პრეზიდენტმა სალომე ზურაბიშვილმა პარლამენტს თხოვნით მიმართა, რომ ზვიად გამსახურდიას მკვლელობის გამოძიების ხანდაზმულობის ვადა გაგრძელდეს. 

შეგახსენებთ, ზვიად გამსახურდიას მკვლელობის გამოძიების მოთხოვნით მისმა შვილებმა შიმშილობა დაიწყეს. 

ავტორი: ,

სოციალური ქსელები

ზელენსკი: ვიტკოფისა და კუშნერის ვიზიტების დროს საჰაერო დარტყმებს არ განვახორციელებთ, რუსეთმაც იგივე უნდა გააკეთოს

დენის კულანინმა საქართველო დატოვა

სააკაშვილი- მელია რომელიც ერთ დროს ჩემს მზეს რომ ფიცულობდა, ახლა ის დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე, ჩემი მიმართულებით

პროკურატურა - „ასავალ-დასავალის“ რესპონდენტის გარდაცვალებასთან დაკავშირებით ოპოზიციის სამი წევრი დაიკითხა