შინაგან საქმეთა სამინისტროს ადამიანის უფლებათა დაცვისა და რეგიონების პოლიციის დეპარტამენტების თანამშრომლებმა ქალთა მიმართ ძალადობის წინააღმდეგ ბრძოლის 16-დღიანი კამპანიის ფარგლებში თბილისში, კახეთში, შიდა ქართლში, ქვემო ქართლში, აჭარასა და სამეგრელოში 12 შეხვედრა გამართეს.

უწყების ინფორმაციით, შეხვედრების მიზანი იყო ქალთა მიმართ და ოჯახში ჩადენილი ძალადობის კუთხით მოსახლეობის ინფორმირებულობის გაზრდა, ასევე, ამ კუთხით მოქმედი კანონმდებლობისა და არსებული სახელმწიფო სერვისების შესახებ ინფორმაციის გაცნობა.

თბილისში, მარნეულში, თელავში, ლაგოდეხში, გურჯაანში, დმანისში, ზუგდიდში, ბათუმსა და სხვადასხვა უნივერსიტეტებსა და საგანმანათლებლო დაწესებულებებში გამართულ შეხვედრებს ჯამში 400-მდე ადამიანი დაესწრო.

სამინისტროს წარმომადგენლები და პოლიციელები მოსახლეობას შინაგან საქმეთა სამინისტროს მიერ ოჯახში და ქალთა მიმართ ძალადობის პრევენციის მიზნით განხორციელებულ ღონისძიებებზე, ასეთ ფაქტებზე ხარისხიანი გამოძიების უზრუნველყოფის მექანიზმებსა და სამინისტროს მიერ ქალთა მიმართ ძალადობის წინააღმდეგ ბრძოლის მიმართულებით მიღწეულ შედეგებზე ესაუბრებოდნენ.

საპატრულო პოლიციის დეპარტამენტის თანამშრომლები, გადაუდებელი დახმარების ოპერატიული მართვის ცენტრი "112"-ის წარმომადგენლები, პოლიციელები და მართლწესრიგის ოფიცრები საქართველოს ქალაქებსა და რაიონულ ცენტრებში სხვადასხვა ასაკის, სქესის, ეროვნებისა და ინტერესის ადამიანებს კამპანიის მნიშვნელობასა და მიზნებზე ესაუბრებოდნენ და ამასთან ერთად, ნარინჯისფერ ბაფთებს და საინფორმაციო ბროშურებს არიგებდნენ.

(NS)

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს