გავრცელებული ინფორმაციით, ქართველი ე.წ. კანონიერი ქურდი, მინდია გორაძე, იგივე „ლავასოღლი“ თურქმა სამართალდამცველებმა საექსტრადიციო პატიმრობიდან გაათავისუფლეს.

როგორც გორაძის ადვოკატმა, ალექსანდრე კობაიძემ აღნიშნა, თურქულმა მხარემ არ ჩათვალა, რომ მისი საქართველოში ექსტრადირება უნდა მომხდარიყო.

„როგორც ჩემთვის არის ცნობილი, იგი თავისუფალია. შესაბამისად, ეს ასეც უნდა ყოფილიყო. ამაში უკანონოს ვერაფერს ვხედავთ, თურქეთის სახელმწიფომ არ ჩათვალა, რომ მისი ექსტრადირება უნდა მომხდარიყო. მისი საქართველოში ექსტრადაცია უკანონო იქნებოდა, მით უმეტეს, როდესაც მის წინააღმდეგ ძალიან ბევრ უკანონობას ჩადის ჩვენი სახელმწიფო“, - განუცხადა კობაიძემ „რუსთავი 2“-ს.

ცნობისთვის, მინდია გორაძე თურქეთში, 25 ოქტომბერს დააკავეს. იგი ინტერპოლის წითელი ცირკულარით იძებნებოდა და მისი დაკავება ტრაპზონში,  სპეციალური რეიდის ფარგლებში მოხდა. სამართალდამცველებმა ავტომობილი გააჩერეს, რომელშიც მინდა გორაძე აღმოჩნდა. მათ ადგილზე არარეგისტრირებული ცეცხლსასროლი იარაღიც იპოვეს.

შეგახსენებთ, რომ 36 წლის მინდია გორაძეს ქურდული სამყაროს წევრობა ედება ბრალად. მიმდინარე წლის 21 ივლისს ქუთაისის სასამართლომ ბრალდებულ მინდია გორაძეს 12 წლით თავისუფლების აღკვეთა დაუსწრებლად მიუსაჯა.

ავტორი: ,

სოციალური ქსელები

ზელენსკი: ვიტკოფისა და კუშნერის ვიზიტების დროს საჰაერო დარტყმებს არ განვახორციელებთ, რუსეთმაც იგივე უნდა გააკეთოს

დენის კულანინმა საქართველო დატოვა

სააკაშვილი- მელია რომელიც ერთ დროს ჩემს მზეს რომ ფიცულობდა, ახლა ის დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე, ჩემი მიმართულებით

პროკურატურა - „ასავალ-დასავალის“ რესპონდენტის გარდაცვალებასთან დაკავშირებით ოპოზიციის სამი წევრი დაიკითხა