"ევროპული საქართველოს" წევრი გიგა ბოკერია ჰააგის სასამრთლოში საქართველო-რუსეთის საქმეს გამოეხმაურა. 

როგორც ბოკერიამ აღნიშნა, ხსენებულ საქმეზე პარლამენტში საგარეო საქმეთა მინისტრი დავით ზალკალიანი და იუსტიციის მინისტრი თეა წულუკიანი უნდა მივიდნენ. 

"ქართულ ოცნებაში" დიდი კონკურენციაა იმის თაობაზე, ვისი პოლიტიკური ბრალი უფრო დიდია იმ ზიანში, რომელიც საქართველოს ბევრი მიმართულებით მიადგა. ჰააგის მეორე სასამართლოში რაც მოხდა, უკვე შემდგარი ზიანია, როცა მათ დევნილების დაბრუნების საკითხზე დავა არ განაგრძეს. ეს უკვე მომხდარი ამბავია. საზოგადოებას არათუ ლეგიტიმური საფუძველი აქვს, ზელეგიტიმური საფუძველი აქვს იმის, რომ ეჭვები და შიში ჰქონდეს იმის თაობაზე, როგორ იქცევა ეს მთავრობა, რომლის პოლიტიკური პოზიციები საკითხზე ცნობილია, რადგან მათი საპრეზიდენტო კანდიდატის განცხადებები საქართველოს ინტერესებისთვის დამანგრეველია. მინისტრების დაბარების მოთხოვნას ისტერიკით და ცხრა წელზე საუბრით ხვდებიან. საუბრობენ იმაზე, რომ ყველაფერი წარსულის ბრალია და არა ხელისუფლების. იმ ანატომიაში გარკვევა არ მჭირდება, სად არის ზღვარი ღალატს, სიძულვილსა და სასარგებლო იდიოტიზმს შორის, რადგან შედეგი დამანგრეველია და მინისტრებს უნდა მოვუსმინოთ, რათა საზოგადოებას ეჭვები გაუფანტონ, თუ ეს შეუძლიათ”, – განაცხადა ბოკერიამ.

ინფორმაციას საზოგადოებრივი მაუწყებელი ავრცელებს. 

ავტორი: ,

სოციალური ქსელები

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია

ჰერჩინსკი - საქართველო ევროკავშირის კანდიდატად მხოლოდ სახელით რჩება

კალასი - იანვარში საქართველოს შესახებ სიღრმისეულად ვიმსჯელებთ