„არსებობს კლასიკა, როგორ უნდა ჩავატაროთ საარჩევნო კამპანია“, - ამის შესახებ საპარლამენტო უმრავლესობის წევრმა გუგული მაღრაძემ ჟურნალისტებს საპრეზიდენტო არჩევნების მეორე ტურთან დაკავშირებით განუცხადა.

როგორც მაღრაძემ აღნიშნა, პირველ ტურში „ქართულმა ოცნებამ“ კამპანიას ბევრი რამ დააკლო, რასაც მეორე ტურისთვის გამოიყენებს.

მისივე განმარტებით, მმართველმა გუნდმა მოსახლეობას უნდა გააგებინოს რა გააკეთა და ასევე უნდა აუხსნას, თუ რატომ უნდა დაუჭირონ მათ მხარი.

„ჩვენ გვქონდა უმრავლესობის შეხვედრა და გადავწყვიტეთ რა უნდა გავაკეთოთ, როგორ ვიმუშაოთ იმისთვის, რომ ადამიანებს გავაგებინოთ რა გავაკეთეთ, რის გაკეთებას ვაპირებთ. რაც არსებობს საარჩევნო კამპანიის ხერხები, გამოვიყენებთ იმისთვის, რომ მოსახლეობასთან გვქონდეს კომუნიკაცია. არის ძალიან ბევრი ხერხი, ამას უნდა ფსიქოლოგია, მთელი სოციოლოგია საარჩევნო კამპანიის შესახებ და უფრო აქტიურად გამოვიყენებთ ყველა იმ ხერხს, რაც აუცილებელია. არსებობს კლასიკა, როგორ უნდა ჩავატაროთ საარჩევნო კამპანია. ჩვენ ბევრი რამ დავაკელით ამ კამპანიას, ახლა გამოვიყენებთ ყველა იმ ხერხს და მეთოდებს, რასაც ოფიციალურად მთელ მსოფლიოში იყენებენ პარტიები. ეს არის შეხვედრები, ფლაერები, მესიჯბოქსები, ტელევიზიაში რგოლები იმისთვის, რომ გააგებინო ადამიანებს. თქვენ წარმოგიდგენიათ, ზოგიერთმა პენსიონერმა არც იცოდა, რომ იანვრიდან პენსიას ეზრდებათ 20 ლარით. ამიტომ მსგავსი რაღაცები, რაც ჩვენ გავაკეთეთ, მოსახლეობას უნდა გავაგებინოთ, ასევე ნათლად უნდა ავუხსნათ რატომ და რისთვის უნდა გაგვიჭირონ მხარი, ეს არის კლასიკა საარჩევნო კამპანიის“, - განაცხადა გუგული მაღრაძემ.

ავტორი: ,

სოციალური ქსელები

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა