„საქართველოს მოსახლეობა, ისევე როგორც საერთაშორისო თანამეგრობა იზიარებს იმ აზრს, რომ 2008 წელს ხელისუფლება რუსეთის პროვოკაციას წამოეგო“, - ასე უპასუხა „ქართული ოცნების“ მიერ მხარდაჭერილმა პრეზიდენტობის კანდიდატმა, სალომე ზურაბიშვილმა „დოიჩე ველესთან“ ინტერვიუში ჟურნალისტის შეკითხვას.

კერძოდ, ჟურნალისტმა ხაზი გაუსვა იმ ფაქტს, რომ ასეთი განცხადების გამო, ზურაბიშვილი კრიტიკის მსხვერპლი გახდა და მას ჰკითხა, რეალურად, რამდენად ეთანხმება ქვეყნის მოსახლეობა.

„კრიტიკის მსხვერპლი გავხდი მხოლოდ ოპოზიციის მხრიდან, რადგან მათი 5 ტელეარხი და მშვენიერი ორგანიზაცია აქვთ სოციალურ ქსელში, იმისათვის, რომ თავს დამესხან. შეგიძლიათ გარეთ ნებისმიერ გამვლელს ჰკითხოთ და ყველა დაგისტურებთ, ეს იგივეა რაც ამჟამიდენლი დემოკრატია წინა რეჟიმს შეადაროთ. ჩვენ ვსაუბრობთ იმაზე, რაც მოხდა 10 წლის წინ და ეს ყველას ძალიან კარგად გვახსოვს. ყველას ჰყავს ოჯახში ვინმე, ვინც ამ ომში იმყოფებოდა. კითხვა იმაში კი არ მდგომარეობს, რომ როლები შევცვალოთ და სწორედ ამ კუთხით ხდება ჩემი სიტყვების ინტერპრეტაცია, რუსეთი არის ერთადერთი აგრესორი ამ შემთხვევაში. საქართველო არასდროს შეჭრილა რუსეთის ტერიტორიაზე და არ ყოფილა აგრესორი. მთავარი კითხვა, რომელიც უნდა დავუსვათ შემდეგ პრეზიდენტს, შეეძლო თუ არა საქართველოს ხელისუფლებას უფრო მეტი გაეკეთებინა იმისთვის, რომ პროვოკაციები თავიდან აეცილებინა“, - განაცხადა სალომე ზურაბიშვილმა.

ავტორი: ,

სოციალური ქსელები

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს