„მოვუწოდებთ ხელისუფლებას, ნუ აიძულებთ თქვენ დაქვემდებარებაში მყოფ მაღალჩინოსნებს ჩაიდინონ სისხლის სამართლის დანაშაული, რომელზეც აუცილებლად მოუწევთ პასუხისგება“, - ამის შესახებ „ნაციონალური მოძრაობის“ ერთ-ერთმა ლიდერმა, ნიკა მელიამ ბრიფინგზე განაცხადა.

როგორც მან აღნიშნა, წინასწარი მონაცემებით, მმართველი გუნდის მიერ მხარდაჭერილი საპრეზიდენტო კანდიდატი, სალომე ზურაბიშვილი უპირობოდ მარცხდება.

ამასთან, გაერთიანებული ოპოზიცია საგანგებო რეჯიმზე გადადის, რათა ამომრჩევლების ხმები დაიცვას.

„წინასწარი მონაცემებით უპირობოდ მარცხდება ხელისუფლების კანდიდატი, სალომე ზურაბიშვილი და ამ ისტორიულ არჩევნებში იმარჯვებს გაერთიანებული ოპოზიციური კანდიდატი, გრიგოლ ვაშაძე. საქართველოს ისტორიაში ტარდება არჩევნები, შევარდნაძის პერიოდის ჩათვლით, ამ მასშტაბის გაყალბება, ამ მასშტაბის მანიპულაციები, საარჩევნო უბნებში არ ყოფილა არასდროს გამომჟღავნებული აუდიო და ფოტო მტკიცებულებების სახით. საზოგადოება, მთელი ქვეყანა, მთელი დღის განმავლობაში თვალს ადევნებს, თუ როგორ ატრიალებენ კარუსელს, როგორ არიგებენ ფულს, როგორ ძალდატანებით მიჰყავთ ადამიანები, განსაკუთრებით საჯარო მოხელეები საარჩევნო უბნებზე და მაინც ამ ყველაფრის მიუხედავად, მარცხდება სახელისუფლებო კანდიდატი. ხელისუფლებამ ამოწურა ძალდატანებით უბნებზე მისაყვანი ხალხის რესურსი. ახლა დარჩა მთავარი 5 საათიდან 8 საათამდე უნდა დავიცვათ, თითოეული ქართველის ხმები ყველ საარჩევნი უბანზე, გადავდივართ საგანგებო მდგომარეობაზე და მოვუწოდებთ ხელისუფლებას, ნუ აიძულებთ თქვენ დაქვემდებარებაში მყოფ მაღალჩინოსნებს ჩაიდინონ სისხლის სამართლის დანაშაული, რომელზეც აუცილებლად მოუწევთ მათ პასუხისგება. დღეს მთელი ქვეყნის მასშტაბით შრიალებს ბიძინა ივანიშვილის ფული, მაგრამ ეს თქვენ არ გიშველით, იმიტომ რომ კალენდარში დღეს არის 2018 წელი“, - განაცხადა ნიკა მელიამ.

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს