ივანიშვილი - თუ ფარცხალაძის დანაშაული გამოიკვეთება, მოვითხოვ ის კანონის სიმკაცრით დაისაჯოს -ვიდეო

2018-10-26 12:14:43, 2103 ნახვა

კომენტარი

პარტია "ქართული ოცნების" თავმჯდომარე ბიძინა ივნიშვილი აცხადებს, რომ დანაშაულის დადგენის შემთხვევაში ყოფილი მთავრი პროკურორი ოთარ ფარცხალაძე პასუხისგებაში მიეცემმა.

როგორც ივანიშვილმა განმარტაა, გამოძიება ფარცხალაძესთან დაკავშირები ამ დრომდე მიმდინარეობს და მასში უცხოელი პროკურრები არიან ჩართული. ყოფილმა პრემიერმა დასძინა, რომ გამოძიების დასრულებამდე უდანაშაულობის პრეზუმფცია უნდაა დავიცვათ.

ფარცხალაძე 5 წელიწადია უკვე რაც წავიდა ხელისუფლებიდან და წავიდა საკუთარი სურვილით, როდესაც გაჩნდა ეჭვები, რომ მის წარსულთან დაკავშირებით კითხვები იყო. ის ცდილობს ბიზნესი აკეთოს. რა თქმა უნდა კითხვები, რომ ის თანამდებობის პირი იყო წავიდა და ბიზნესს აკეთებს, ჟურნალისტებს უნდა გქონდეთ მახვილი მზერა, რომ არაფერი გამოგეპაროთ. ეს კითხვები მოითხოვს პასუხს და მე მაქვს ვალდებულება, რომ გიპასუხოთ, ამაში არაფერი ცუდი არ არის.
როდესაც ხელისუფლებაში მოვედით და პროკურატურა იყო ძალიან მძიმე დასალაგებელი, ჩვენ დავაწესეთ პრაქტიკა, რადგან პროკურატურა იყო ნაკლებად სანდო, მოვიწვიეთ რამდენიმე ძალიან გამოცდილი პროკურორი საზღვარგარეთიდან და ისეთ საქმეებზე, რომელიც შეეხებოდა ყოფილი თანამდებობის პირებს, გამოძიებაში ისინი ღებულობდნენ მონაწილეობას. ამ შემთხვევაშიც, რამეთუ ფარცხალაძე გახლდათ მთავარი პროკურორი და როდესაც პროკურატურა, სადაც ის უფროსი იყო, მის საქმეებს იძიებს, თავშივე ჩნდება ეჭვი ნებისმიერი სახის დასკვნებთან, ჩამოვიდა რამდენიმე პროკურორი, რომელიც მთელ მსოფლიოშია ცნობილი თავისი პრინციპულობით. ერთ-ერთი მათგანი არის ისრაელიდან, რომელმაც მოახერხა ისრაელის პრემიერიც და პრეზიდენტიც, მიეცა პასუხისგებაში, ეს კაცი და სხვა პროკურორებიც განიხილავენ ფარცხალაძისა და ყოფილი გენერალური აუდიტორის, ლაშა თორდიას ჩხუბის ფაქტს და სხვა ფინანსურ დარღვევებზეც, რაზეც აღძრულია პროკურატურაში საქმე. თუ ცოტა მოთმინებას გამოვიჩენთ და დაველოდებით შედეგებს, თუ დადგება იქ რაიმე კითხვის ნიშნები, გარწმუნებთ, რომ მე ვიქნები პირველი, ვინც მოვითხოვ სიმკაცრეს და კანონის სიმკაცრით აგებს პასუხს ფარცხალაძე ყველა დარღვევებზე, თუ ასეთი არის. მე ვიქნები ის ვინც მოითხოვს და გაამაგრებს სახელმწიფო სტრუქტურებს თავისი გამოსვლებით, რომ მან ისევე აგოს პასუხი თავის ქმედებებზე, როგორც ნებისმიერმა მოქალაქემ. თუ ეს ასე არ არის, უდანაშაულობის პრეზუმფცია დავიცვათ. როდესაც გამოძიება დასრულდება ფარცხალაძეზე, ყველა საბუთი მოვიტანოთ და ერთად გავარჩიოთ. მანამ, სანამ გამოძიება მიდის, პატივი ვცეთ სახელმწიფოს, მიუხედავად ფარცხალაძის წარსულისა", - განაცხადა ბიძინა ივანიშვილმა.