პარტია "ქართული ოცნების" თავმჯდომარე ბიძინა ივანიშვილი ტელეკომპანია "რუსთავი 2"-ს აკრიტიკებს.

ივანიშვილის შეფასებით, "რუსთავი 2" სიცრუის ტირაჟირებას ახდეს.

"ნეგატივი საიდანაც მოდის უკვე მიგანიშნეთ. დღეს რომ გამორთოთ "რუსთავი 2", ქვეყნის აღმავლობის და აღმშენებლობის მეტს, ვერაფერს ნახავთ. ის რაც გადმოდის "რუსთავი 2"-დან 99% არის სიცრუე. ის, რომ პრობლემები შეიძლება იყოს მთავრობაში, შეიძლება იყოს ხელისუფლების სხვა შტოებში ეს ნორმალურია ყველა სახელმწიფოსთვის. შეიძლება გადაცდომაც მოხდეს, შეიძლება კორუფციაც იყოს, მაგრამ ამას უნდა არგუმენტები და უნდა საბუთები. რა თქმა უნდა ჟურნალისტები და მთელი საზოგადოება უნდა იყოს მობილიზებული, იმისთვის რომ, ხელისუფლება იყოს გამჭვირვალე და არ მოხდეს დანაშაულის, კორუფციის ზრდა. ოღონდ ჟურნალისტმა უნდა მოიტანოს არგუმენტები და არა სიცრუე გაავრცელოს, რაც მასიურად ტირაჟირებადი ხდება "რუსთავი 2"-ს მხრიდან. ტელევიზიაში განსხვავებული აზრი არ არის. ამდენი ჩანაწერები გამოიტანეს, მაგრამ განსხვავებული აზრი ამ ტელევიაზიაში დახურულია. თუ რამე კეთდებოდა და კეთდება ეკნომიკური თვალსაზრისით რეგიონში ვართ ლიდერები. წინა ხელისუფლებასთან სამწუხაროდ დღესაც გვიწევს პარალელების გავლება. მინიმუმ 2-ჯერ არის გაზრდილი ეკონომიკაში ნებისმიერი მიმართულება. საზოგადოებას აჯერებდნენ, რომ ქვეყანა აღმავლობის პროცესშია. დავით აღმაშენებელსაც ედრებოდა მათი ლიდერი, ისე გავიდა ზონიდან. 2-ჯერ მეტს ვაშენებთ, ვიდრე "ნაციონალური მოძრაობა" აშენებდა", - განაცხადა ბიძინა ივანიშვილმა.

ავტორი: ,

სოციალური ქსელები

უკრაინის არმიამ დონბასში 2022 წლის შემდეგ ყველაზე მასშტაბური კონტრშეტევა დაიწყო

შენი კარიერის პირველი ნაბიჯები თიბისიში - ანაზღაურებადი სტაჟირების პროგრამა დაიწყო

ქონების გადასახადის ზღვარი ₾100 000-მდე იზრდება, ოცნება ინიციატივას დაჩქარებულად განიხილავს

კიევის რეგიონში რუსული დარტყმების შემდეგ, საწყობს ცეცხლი გაუჩნდა და მის მახლობლად ამიაკის მომატებული დონე დაფიქსირდა