დედანის  ბაღში, სადაც პოლიტიკური გაერთიანება „გირჩი“ „კანაფის ფესტივალის“ გამართვას გეგმავს, სამართალდამცველების დიდი რაოდენობაა მობილიზებული.

როგორც „გირჩის“ პრეზიდენტობის კანდიდატმა ზურაბ ჯაფარიძემ ჟურნალისტებს განუცხადა, სამართალდამცველებმა ჩხრეკის მიზნით პარტიის კიდევ ერთი წევრი, ბიბლიური თავისუფლების მთავარი მღვდელმსახური ნიკა ობოლაძე პოლიციის განყოფილებაში გადაიყვანეს.

ჯაფარიძის შეფასებით, პოლიცია ყველანაირად ცდილობს, რომ ფესტივალის გამართვაში ხელი შეუშალოს.

„უკვე სამი ადამიანი წაიყვანეს. შევთავაზეთ, რომ მათი ჩხრეკა და გასაუბრება ადგილზე მომხდარიყო, თუმცა უარი გვითხრეს. ბაღში არ შემოგვატანინეს აპარატურა. ახლა ვცდილობთ, რომ ბაღთან მანქანები შემოვაყენოთ და ელექტროგაყვანილობა მანქანების მეშვეობით შემოვიყვანოთ. ყველანაირად ცდილობენ პრობლემები შექმნან, თუმცა არ არსებობს გადაუჭრელი პრობლემები, ფესტივალს მაინც ჩავატარებთ“, - განაცხადა ზურაბ ჯაფარიძემ.

ბაღში ამ დროისთვის ათობით ადამიანია შეკრებილი. პოლიციამ ბაღის გარშემო ცოცხალი კორდონი აღმართა. ჯერჯერობით მოქალაქეებს ბაღში შესვლა-გამოსვლა თავისუფლად შეუძლიათ.

„კანაფის ლეგალიზაციის ფესტივალი“ 16:20 საათზეა დაგეგმილი.

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს