პროკურატურამ ბადრი პატარკაციშვილის მკვლელობის მომზადების ფაქტზე ყოფილი ხელისუფლების სამ მაღალჩინოსანს, ლევან ქარდავას, რევაზ შიუკაშვილს და გიორგი მერებაშვილს ბრალი წაუყენა.

ამასთან, უწყებამ  სკოტლენდ-იარდის 10 წლის წინანდელი გამოძიება ეჭვქვეშ დააყენა, რომლის თანახმადაც პატარკაციშვილი გულის შეტევით გარდაიცვალა.

რევაზ შიუკაშვილის ადვოკატის ქეთი მირიანაშვილის თქმით, მისი დაცვის ქვეშ მყოფი თავს უდანაშაულოდ გრძნობს. 

“ჩემი დაცვის ქვეშ მყოფი მიიჩნევს, რომ აღნიშნული ბრალი დაფუძნებულია ე.წ. "მტკიცებულებებზე," რომელიც 2007-2008 წლებში არის ჩაწერილი. აქ საუბარია გარკვეულ ჩანაწერებზე, რომლის ავთენტურობაც დიდი ეჭვის ქვეშ დგას. აღნიშნულთან დაკავშირებით გაკეთებულია ექსპერტიზებიც სამხარაულის ეროვნულ ბიუროში 2016 წელს და რატომღაც აღნიშნული საქმე ამდენი წლის განმავლობაში პროკურატურაში თაროზე შემოდებული იყო. დღესდღეობით, როდესაც ხელისუფლებას გაუჭირდა, შემოაგდეს საქმე გარკვეული თემების გადასაფარად, დავუშვათ, რომ აღნიშნული ჩანაწერები არის ავთენტური, ამ შემთხვევაშიც ჩანაწერებში არ იკვეთება დანაშაულის გარკვეული ნიშნები, ვინაიდან ყველა იურისტმა იცის, რომ მომზადებას უნდა მოჰყვებოდეს გარკვეული ქმედებები”, - განაცხადა ადვოკატმა. 

ინფორმაციას "რუსთავი 2" ავრცელებს. 

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება