გორის მუნიციპალიტეტის მერიის შენობასთან გამართულ საპროტესტო აქციაზე ინციდენტი მოხდა.

რამდენიმე სამოქალაქო აქტივისტმა შენობის შესასვლელთან ნაკელი და მარცვლეული დაყარა, რითაც მათი თქმით, გორის მერის მიერ რამდენიმე დღის წინ გაკეთებული განცხადება გააპროტესტს.

როგორც ტელეკომპანია „დიას“ მიერ გავრცელებულ კადრებში ჩანს, აქციის მიმდინარეობისას, გორის მუნიციპალიტეტის მერიის ადმინისტრაციის უფროსმა თეიმურაზ მანველიშვილმა ერთ-ერთ აქტივისტ გიგა მაქარაშვილს თავზე ნაგვით სავსე ურნა ჩამოამხო, შემდეგ კი, კვლავ მერიის შენობაში შებრუნდა.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 126-ე მუხლით დაიწყო რაც ძალადობას გულისხმობს.

შეგახსენებთ, გორის მერმა კონსტანტინე თავზარაშვილმა აგვისტოს ომთან დაკავშირებით ორაზროვანი განცხადება გააკეთა, ამერიკის მაშინდელ სახელმწიფო მდივან კონდოლიზა რაისს კი „ზანგი“ უწოდა.

მოგვიანებით თავზარაშვილმა რასისტული განცხადების გამო ბოდიში მოიხადა, აგვისტოს ომზე საუბრისას კი აღნიშნა, რომ „ცალსახად ომი რუსულმა მხარემ დაიწყო, თუმცა საქართველოს ხელისუფლება პროვოკაციებს არ უნდა წამოგებოდა“.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს