ჩვენ გვჭირდება უფრო ეფექტიანი თავისუფალი ეკონომიკური სივრცე სუამ-ის ფარგლებში და, რასაკვირველია, უფრო ეფექტიანი სატრანსპორტო სისტემები, - ამის  შესახებ საქართველოს პრემიერ-მინისტრმა მამუკა ბახტაძემ შუამ-ის წევრ სახელმწიფოთა მთავრობების მეთაურების ერთობლივ პრესკონფერენციაზე, სუამ-ის მომავალთან დაკავშირებით დასმული კითხვის საპასუხოდ განაცხადა.

მთავრობის მეთაურმა ხაზი გაუსვა სუამ-ის სივრცეში არსებულ ძალიან დიდ ეკონომიკურ პოტენციალს და აღნიშნა, რომ მხარეებმა ძალ-ღონე არ უნდა დაიშურონ, რათა უფრო მაღალ დონეზე აიყვანონ ეკონომიკური თანამშრომლობა.

"ამჟამად ჩვენ წარმატებით ვავითარებთ ჩვენს ეკონომიკურ თანამშრომლობას. ამავე დროს, ჩვენი შეფასებით, ჩვენ ვიყენებთ ჩვენი ეკონომიკური პოტენციალის მხოლოდ 50%-ს. ასე რომ, გაუმჯობესება შესაძლებელია. გარდა ამისა, ჩვენ ვცდილობთ სხვა განზომილებების მოსინჯვასაც, რათა უზრუნველვყოთ ჩვენი თანამშრომლობის ეფექტიანობა.  დღის წესრიგი საკმაოდ ყოვლისმომცველია. დარწმუნებული ვარ, რომ მომდევნო წლის ბოლოსთვის ჩვენ გვექნება ძალიან ხელშესახები შედეგები, რომლებიც დაგვეხმარება ყველა მატერიალური თუ არამატერიალური დაბრკოლების გადალახვაში, რომლებიც არსებობს ჩვენს ეკონომიკურ თანამშრომლობაში, რათა გავააქტიუროთ ჩვენი ეკონომიკური ურთიერთობები და ვაჭრობა სუამ-ის სივრცის ფარგლებში", - განაცხადა მამუკა ბახტაძემ.

ავტორი: ,

სოციალური ქსელები

უკრაინის არმიამ დონბასში 2022 წლის შემდეგ ყველაზე მასშტაბური კონტრშეტევა დაიწყო

შენი კარიერის პირველი ნაბიჯები თიბისიში - ანაზღაურებადი სტაჟირების პროგრამა დაიწყო

ქონების გადასახადის ზღვარი ₾100 000-მდე იზრდება, ოცნება ინიციატივას დაჩქარებულად განიხილავს

კიევის რეგიონში რუსული დარტყმების შემდეგ, საწყობს ცეცხლი გაუჩნდა და მის მახლობლად ამიაკის მომატებული დონე დაფიქსირდა