წულუკიანი - „ომეგას“ უნდა, ბინძური მეთოდით ვალის თემა ხალხს დაავიწყოს, მაგრამ ჩვენ არ ვივიწყებთ

2018-10-04 15:10:28, 2604 ნახვა

კომენტარი

იუსტიციის მინისტრმა თეა წულუკიანმა ჟურნალისტებთან საუბრისას კომპანია „ომეგას“ გარშემო მიმდინარე მოვლენებთან დაკავშირებით ისაუბრა.

როგორც მინისტრმა აღნიშნა, კომპანია უარს ამბობს ვალის გადახდაზე და ბინძური მეთოდით სურს ეს თემა ხალხს დაავიწყოს.

„ეს განცხადებები და ჩანაწერები რჩება განცხადებებად და ჩანაწერებად, გამოძიება სანამ არ იტყვის, რომელია ავთენტური და რომელი განცხადება შეესაბამება სიმართლეს, არ მიმაჩნია ეს ყველაფერი პოლიტიკური კომენტარების თემად. ჩემთვის მთავარი არის ის, რომ 51 მილიონი საგადასახადო დავალება აქვს კომპანიას, რომელიც უარს ამბობს ეს ვალი გადაიხადოს. მესმის, რომ კომპანიას უნდა ყველა, მათ შორის ბინძური მეთოდით ეს ვალის თემა ხალხს დაავიწყოს, მაგრამ ვალის თემას, ჩვენ, რა თქმა უნდა, არ ვივიწყებთ“, - განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები