2018-09-27 18:02:45, 3061 ნახვა

---

დიმიტრი ქუმსიშვილი ლევან ყიფიანის წინააღმდეგ სისხლის სამართლებრივი დევნის დაწყებას ითხოვს

ეკონომიკისა და მდგრადი განვითარების ყოფილი მინისტრი დიმიტრი ქუმსიშვილი, სპორტის ყოფილი მინისტრის, ლევან ყიფიანის წინააღმდეგ სისხლის სამართლებრივი დევნის დაწყებას მოითხოვს.

ამის შესახებ ქუმსიშვილის ადვოკატმა დიმიტრი გაბუნიამ ჟურნალისტებს მთავარ პროკურატურაში განუცხადა.

მან უწყებაში შესაბამისი განცხადება უკვე შეიტანა.

„დიმიტრი ქუმსიშვილის სახელი და გვარი არის ბინძურად გამოყენებული არაერთ ეპიზოდში, ეს არის ფაბრიკაცია. ჩვენ კარგად ვიცით, თუმცა ამ ეტაპზე თავს შევიკავებთ განცხადების გაკეთებისგან, როგორ, რანაირად დაიგეგმა და რისთვის გაკეთდა ეს ყველაფერი. ერთადერთი შემიძლია ვთქვა, შეიძლება ვიღაც, შესაძლო მეწარმე სუბიექტებს არ უნდოდათ ბიუჯეტში თანხების გადახდა და ეს ყველაფერი ფაბრიცირებული ჩანაწერები, სახელების და გვარების გამოყენება, არის სწორედ მიმართული დიმიტრი ქუმსიშვილის დისკრედიტაციისკენ. რა და როგორ იყო, დასვან შეკითხვები და ამ შეკითხვებზე მივიღებთ პასუხს. ანგაჟირება თემისა, რომ დიმიტრი ქუმსიშვილმა რაღაც დანაშაული ჩაიდინა ან თუ მისი სახელით ვინმემ ისპეკულირა, ამისთვის პასუხი უნდა აგოს ნებისმიერმა პირმა“, - განაცხადა ადვოკატმა დიმიტრი გაბუნიამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი