მარიხუანას კანონთან დაკავშირებით მღვდლები სამებისკენ მსვლელობას მოაწყობენ

2018-09-16 10:10:52, 3124 ნახვა

პოლიტიკა

მარიხუანას კანონპროექტთან დაკავშირებით, სასულიერო პირები სამების საკათედრო ტაძრისკენ მსვლელობას მოაწყობენ, – ამის შესახებ მამა შალვა კეკელიამ თბილისის საკრებულოსთან მარიხუანას თემასთან დაკავშირებით პარაკლისის გადახდის შემდეგ განაცხადა.

სამების ტაძარში ღვთისმსახურება, კვირას, 10.00 საათიდან დაიწყება.

საკრებულოსთან შეკრებილმა სასულიერო პირებმა კანაფის წარმოებასა და ექსპორტის შესახებ კანონპროექტი გააპროტესტეს და განაცხადეს, რომ თბილისის სამღვდელოება დღეს შეიკრიბა და გადაწყვიტა განცხადება გაეკეთებინა.

„ჩვენ მრევლის პოზიციას გამოვხატავთ. მრევლმა გვაიძულა გამოვსულიყავით აქ. მრევლი გვეუბნება, რას ვაკეთებთ, როგორ შეიძლება ეს აღმოვფხვრათ. დღეს ამას დააკანონებენ, ხვალ და ზეგ სხვა უზნეობებს. ამისთვის არასდროს იქნება ქვეყანა მზად. ჩვენ ვართ ღვთისმშობლის წილხვედრი ქვეყანა“, – განაცხადა მამა შალვა კეკელიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები