„ვიღაცეები მიხვდნენ, რომ ეს არის სარფიანი ბაზარი და ნამდვილად ასეა. მარტო სამედიცინო მარიხუანა რომ ავიღოთ, ეს არის ძალიან სწრაფად მზარდი ბაზარი მთელ დედამიწაზე. მილიარდობით დოლარს აღწევს უკვე და ალბათ, გადაწყვიტეს, რომ ეს ჩაიგდონ ხელში“, - ასე გამოეხმაურა პარტია „გირჩის“ საპრეზიდენტო კანდიდატი, ზურაბ ჯაფარიძე მარიხუანის მოყვანისა და ექსპორტზე გატანის შესახებ მმართველი გუნდის ინიციატივას.

მისი შეფასებით, მმართველი გუნდი ამ ფორმით კანონის მიღებას ვერ შეძლებს.

„საკონსტიტუციო სასამართლოს მოხმარება ეხებოდა რეკრეაციული მარიხუანას მოხმარებას და არა სამედიცინო მარიხუანას მოხმარებას, შესაბამისად, გაუგებარია, რატომ დაიწყეს ახლა საუბარი მხოლოდდამხოლოდ სამედიცინოზე და არ საუბრობენ რეკრეაციულ მარიხუანაზე, იმიტომ რომ მთავარი რაც იყო გასაკეთებელი იყო ის, რომ საკონსიტუციო სასამართლომ შექმნა რეალობა, რომ მოხმარება არის ლეგალური და მოხმარების გზები არ არის ლეგალური. ვიღაცეები მიხვდნენ, რომ ეს არის სარფიანი ბაზარი და ნამდვილად ასე არის. მარტო სამედიცინო მარიხუანა რომ ავიღოთ, ეს არის ძალიან სწრაფად მზარდი ბაზარი მთელ დედამიწაზე. მილიარდობით დოლარს აღწევს უკვე და ალბათ, გადაწყვიტეს, რომ ეს ჩაიგდონ ხელში და ახლავე ვამბობ, რომ არ გამოუვათ“, - განაცხადა ჯაფარიძემ.

ცნობისთვის, საქართველოში მარიხუანას მოყვანა და ექსპორტზე გატანა იგეგმება. შსს-ს ინფორმაციით, მთავრობის მიერ მარიხუანასთან დაკავშირებით ინიცირებული საკანონმდებლო ცვლილებები მარიხუანას გასაღების მკაცრ შეზღუდვას ითვალისწინებს. როგორც ცნობილია, აღნიშნულ თემაზე საუბარი გუშინ „ქართული ოცნების" ოფისში გამართულ შეხვედრაზე იყო, რომლესაც ბიძინა ივანიშვილი ესწრებოდა. სწორედ ყოფილმა პრემიერმა დაუჭირა მხარი მარიხუანას წარმოებისა და ექსპორტზე გატანის პროექტს.

ავტორი: ,

სოციალური ქსელები

28 სექტემბრის დღის ბოლოდან 1-ელი ოქტომბრის დილამდე საქართველოში მოსალოდნელია დროგამოშვებით ნალექი

ავიაკომპანია Red Wings-მა საქართველოში დამატებით რუსეთის 20-მდე ქალაქიდან ფრენის ნებართვა მოითხოვა

სააპელაციო სასამართლომ მეგის ქარდავას 9-წლიანი პატიმრობა ძალაში დატოვა

საქართველოში პირველად, თიბისის მობაილბანკს გამოწერების ფუნქციონალი დაემატა