ასაკით პენსიონერი და შეზღუდული შესაძლებლობის მქონე პირები ქრონიკული დაავადებების სამკურნალო მედიკამენტებზე 50-დან 80%-მდე ფასდაკლებით ისარგებლებენ, - ქრონიკული დაავადებების სამკურნალო მედიკამენტებით უზრუნველყოფის პროგრამის გაფართოებაზე საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე ისაუბრა.

პრემიერის თქმით, მთავრობა კიდევ უფრო აქტიურ ნაბიჯებს გადადგამს, რათა მოსახლეობას მედიკამენტების შეძენით გამოწვეული ფინანსური ტვირთი მაქსიმალურად შეუმსუბუქდეს.

„საქართველოს მთავრობამ 2013 წელს წამოიწყო ჯანდაცვის სისტემის უპრეცედენტო რეფორმა და აამოქმედა საყოველთაო ჯანდაცვის პროგრამა, რომელმაც თითოეულ მოქალაქეს მისცა შესაძლებლობა, მიეღო ჯანდაცვის ის სერვისები, რომლებიც, ფინანსური ბარიერების გამო, მანამდე ხელმისაწვდომი არ იყო. 2017 წლიდან, ჩვენ დავიწყეთ მეორე ფაზა, შეიქმნა ახალი პროგრამა, რომელიც გულისხმობს ყველაზე გავრცელებული ქრონიკული დაავადების სამკურნალო 23 დასახელების მედიკამენტზე 50%-იან ფასდაკლებას. რამდენიმე მედიკამენტზე ფასდაკლება 80 %-მდეც გაიზარდა. 3 სექტემბრიდან ფასდაკლებით სარგებლობენ ასაკით პენსიონერები და შეზღუდული შესაძლებლობის მქონე პირები. სოციალურად დაუცველი მოქალაქეებისთვის კი აღნიშნული მედიკამენტების შეძენა უკვე წელიწადზე მეტია, შესაძლებელია, ხშირ შემთხვევაში - სიმბოლურ ფასად. გარდა ამ ჯგუფებისა, მთავრობამ მიიღო გადაწყვეტილება, მთელი მოსახლეობისთვის, განურჩევლად მათი ასაკისა და სოციალური სტატუსისა, დიაბეტის სამკურნალო მედიკამენტებზე 50%-მდე ფასდაკლების შესაძლებლობის შექმნის შესახებ. უნდა აღინიშნოს, რომ პროგრამით გათვალისწინებული ყველა მედიკამენტის მაღალ ხარისხს ადასტურებს ჯანდაცვის მსოფლიო ორგანიზაცია“, - განაცხადა პრემიერ-მინისტრმა.

მამუკა ბახტაძის ინფორმაციით, პროგრამა გაფართოებას განაგრძობს და უახლოეს პერიოდში უფრო მეტი მედიკამენტითა და მოსარგებლით იქნება წარმოდგენილი.

„ჩვენ ვიცით, რომ მედიკამენტის შეძენაზე  ე.წ ჯიბიდან გადახდილი ხარჯები ერთ-ერთი ყველაზე მტკივნეული ტვირთია ჩვენი მოსახლეობისთვის. როგორც მოსახლეობას შევპირდი, ჩვენ კიდევ უფრო აქტიურ ნაბიჯებს გადავდგამთ იმისთვის, რომ ეს ხარჯი მინიმალური გახდეს ჩვენი მოსახლეობისთვის, განსაკუთრებით კი იმ საზოგადოებისთვის, რომელსაც უჭირს და სოციალურად დაუცველია“, - აღნიშნა მთავრობის მეთაურმა.

ავტორი: ,

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება