2018-09-05 18:16:24, 767 ნახვა
რეგიონი
ხანძარი ატენის ხეობაში - ტყის მასივში ცეცხლის ორი კერა გაჩნდა
ატენის ხეობაში ხანძარია.
საგანგებო სიტუაციების მართვის სამსახურის ინფორმაციით, ტყის მასივში ცეცხლის ორი კერა გაჩნდა. წინასწარი მონაცემებით, დამწვარია 8 ჰექტარამდე ფართობი.
„ადგილზე მობილიზებულები არიან საგანგებო სიტუაციების მართვის სამსახურის მეხანძრე-მაშველები და შესაბამისი ტექნიკა.
ხანძრის ეპიცენტრში არსებული რთული რელიეფის გამო ადგილზე დამატებითი ძალების მობილიზება ხდება.
ხანძრის ქრობის პროცესში ჩაერთვება ტყის სახანძრო სპეცმანქანები, ასევე ადგილზე რამდენიმე წუთში იქნება 7 ათტონიანი წყალმზიდი.
ხანძრის დროულად აღსაკვეთად, ასევე ადგილზე იგეგმება დამატებითი ცოცხალი ძალის მობილიზება“, - ნათქვამია საგანგებო სიტუაციების მართვის სამსახურის განცხადებაში.
![]()
ავტორი: ,
epn.ge (@expressnews.ge)
