„ის განცხადებები, რომლებიც თქვენი მხრიდან კეთდებოდა, არის ძალიან არაკოლეგიალური, არის უსამართლო. ის რასაც თქვენ და „რუსთავი 2“ საზოგადოებას ერთ ხმაში ეუბნებოდით, რომ თითქოს ჩვენ ბოიკოტი გამოვუცხადეთ კომისიის საქმიანობას, არის სიცრუე“, - ასე მიმართა საპარლამენტო უმრავლესობის ლიდერმა არჩილ თალაკვაძემ ხორავას ქუჩის საქმის შემსწავლელი კომისიის სხდომაზე „ევროპული საქართველოს“ წარმომადგენლებს.

როგორც მან აღნიშნა, საპარლამენტო უმრავლესობამ მცირე დროის მიუხედავად, მოამზადა ალტერნატიული დასკვნა, რომელი კომისიის სრულ შემადგენლობას დღეს წარედგინება.

„დღეს, როგორც ვნახეთ იმ პროექტში, რომელიც თქვენ მოამზადეთ, კიდევ შევიდა მნიშვნელოვანი ცვლილებები უკვე მესამედ თუ მეოთხედ. ჩვენ ვფიქრობთ, რომ დასკვნის მომზადება ამ რეჟიმში, რომ თან ჩვენ მოკლე დრო დაგვითმეთ გვემუშავა პროექტზე და თან კიდევ პროცესში ცვლით ამ ყველაფერს არ გამოვა. ახლა, როცა ცხრაჯერ შეიცვალა დასკვნა და პლუს გვიწევს ამ რეჟიმში მუშაობა, მიგვაჩნია, რომ  დასკვნის გაკეთება შეუძლებელია, მაგრამ, მიუხედავად ამისა, ჩვენ მოვამზადეთ დასკვნის პროექტი, ჩვენ მზად ვართ და დღეს წარმოვადგენთ დასკვნის პროექტს კომისიის საქმიანობის შედეგებთან დაკავშირებით, მზად ვართ განვიხილოთ ეს პროექტი და შემდგომში ასევე ვგეგმავთ, რომ პროექტი გადაეგზავნოს პლენარულ სხდომას. რაც შეეხება თქვენს პროექტს გვაქვს გარკვეული შენიშვნები, მიგვაჩნია, რომ უკიდურესად პოლიტიზირებული დასკვნაა და ასევე, მინდა მივმართო კომისიის თავმჯდომარეს, ისევე როგორც თქვენ თითოეულ კოლეგას, ის განცხადებები, რომლებიც ბოლო ორი დღის განმავლობაში, სამწუხაროდ, თქვენი მხრიდან კეთდებოდა, მიგვაჩნია, რომ არის ძალიან არაკოლეგიალური, არის უსამართლო და მეტსაც გეტყვით, არის სიცრუე, ის რასაც საზოგადოებას თქვენ და „რუსთავი 2“ ერთ ხმაში ეუბნებოდით, რომ თითქოს ჩვენ ბოიკოტი გამოვუცხადეთ კომისიის საქმიანობას“, -განაცხადა არჩილ თალაკვაძემ. 

ავტორი: ,

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება