ფრაქცია „ქართული ოცნების“ თავმჯდომარე მამუკა მდინარაძე, პრეზიდენტის გადაწყვეტილებას გამოეხმაურა, რომლის მიხედვითაც, გიორგი მარგველაშვილი უზენაესი სასამართლოს თავმჯდომარეობის კანდიდატს აღარ დაასახელებს.

მდინარაძემ პრეზიდენტის გადაწყვეტილებას არაადექვატური უწოდა და აღნიშნა, რომ მან ვერ აიღო პასუხისმგებლობა იმაზე, რისი კონსტიტუციური ვალდებულებაც აქვს.

„არაადექვატურია დღევანდელი გადაწყვეტილება და რაც უფრო ბოლოსკენ მიდის მისი საპრეზიდენტო ვადა, გადაწყვეტილებების კომენტირება მით უფრო ჭირს. მან ვერ აიღო პასუხისმგებლობა იმაზე, რისი კონსტიტუციური ვალდებულებაც აქვს და ცდილობს, ეს ყველაფერი ჩვენ გადმოგვაბრალოს“, – განაცხადა მამუა მდინარაძემ.

მან ასევე აღნიშნა, რომ საპარლამენტო უმრავლესობა მზად იყო კონსულტაციებისთვის, თუმცა ეს პრეზიდენტმა არ მოისურვა.

„მან ყველაფერი გააკეთა იმისთვის, რომ რეალური კონსულტაციები არ ყოფილიყო, წარმოედგინა რომელიმე თავისი თანამშრომელი, ან ახლობელი და შეეფუთა ეს დემოკრატიად. ეს არის მისი ფილოსოფიის მთელი არსი”, - აღნიშნა მდინარაძემ.

შეგახსენებთ, პრეზიდენტის ადმინისტრაციის უფროსმა გიორგი აბაშიშვილმა განაცხადა, რომ უზენაესი სასამართლოს თავმჯდომარის კანდიდატურას დაკავშირებით კონსენსუსი ვერ შედგა და პრეზიდენტი კანდიდატის წარდგენას აღარ აპირებს.

ავტორი: ,

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი