პრემიერი სუს-ის უფროსის მოადგილის გადადგომაზე გაკეთებულ განცხადებებს პოლიტიკურ აჟიოტაჟს უწოდებს

2018-08-21 18:41:13, 1959 ნახვა

პოლიტიკა

პრემიერ-მინისტრი, მამუკა ბახტაძე სახელმწიფო უსაფრთხოების სამსახურის უფროსის მოადგილის, იოსებ გოგაშვილის გადადგომის საკითხზე გაკეთებულ განცხადებებს პოლიტიკურ აჟიოტაჟს უწოდებს.

პრემიერის თქმით, სუს-ის უფროსის მოადგილის თანამდებობიდან გადადგომის შესახებ განმარტებებს თავად უწყება გააკეთებს.

„ამ საკითხთან დაკავშირებით, მე ვფიქრობ, რომ თვითონ უწყება გააკეთებს კომენტარს. რაც შეეხება სხვა მოსაზრებას, რაც თქვენ აღნიშნეთ, ეს არის, მგონი, პოლიტიკური აჟიოტაჟის შემოტანის მცდელობა“, - განაცხადა მამუკა ბახტაძემ.

შეგახსენებთ, რომ სახელმწიფო უსაფრთხოების სამსახურის უფროსის მოადგილემ, იოსებ გოგაშვილმა თანამდებობა დატოვა. უწყებაში გადადგომის მიზეზებზე არ საუბრობენ. ოსებ გოგაშვილი სუს-ის უფროსის მოადგილის პოსტს 2015 წლის აგვისტოდან იკავებდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები