„ეს არ არის მიზანმიმართული ქმედება. თითოეულ სპორტსმენს, რომელიც მანდ გამოდის თავისი მოქმედებებით, ქცევებით, ქვეყანა უსახელებია“, - ამის შესახებ პარლამენტის სპორტისა და ახალგაზრდულ საქმეთა კომიტეტის თავმჯდომარის პირველმა  მოადგილემ შოთა ხაბარელმა, ქართველი მოჭიდავეების ფოტოსთან დაკავშირებით განაცხადა.

ფოტოში სპორტსმენებს მაისურები აცვიათ, რომელზეც ოკუპირებული სამხრეთ ოსეთის ე.წ. პარლამენტის დეპუტატი და რუსეთის ნაკრების მთავარი მწვრთნელი, ძამბოლათ თედეევია გამოსახული.

 შოთა ხაბარელი მიიჩნევს, რომ აღნიშნული ქმედება პოლიტიკას არ უკავშირდება.

„თავისთავად ცხადია, არასასიამოვნო ფაქტია, მაგრამ ბიჭების ინტერვიუს თუ ვუყურებთ, დარწმუნებული ვარ, აქ არანაირი პოლიტიკური დატვირთვა არ ჰქონდა ამ ინციდენტს, უბრალოდ როგორც თვითონ გამოხატულია მაისურზე ის მსოფლიო ჩემპიონი, რომელიც არის ბიჭების მეგობარი, მით უმეტეს მათ ასეთი ტრადიციები აქვთ, ყველა ასეთ შეჯიბრზე მაისურებით გამოდიან, თავიანთ წარმატებულ სპორტსმენს აკრავენ და ასე ხდება ხოლმე, მაგრამ ვფიქრობ, ეს არ არის მიზანმიმართული ქმედება. თითოეულ სპორტსმენს, რომელიც მანდ გამოდის თავისი მოქმედებებით, ქცევებით, ქვეყანა უსახელებია. ეს ინციდენტი იყო პატარა უყურადღებობა, შეიძლება ეს იყოს მაგალითი შემდგომისთვის, რომ ყველამ გაამახვილოს ყურადღება და ასეთი შეცდომა არ უნდა დაუშვან“, - განაცხადა შოთა ხაბარელმა.

ავტორი: ,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.