„გიორგი მარგველაშვილის დამოკიდებულება სასამართლოს მიმართ არის, სამწუხაროდ, არასახელმწიფოებრივი“, - ამის შესახებ პარლამენტის თავმჯდომარემ, ირაკლი კობახიძემ განაცხადა.

კობახიძემ პრეზიდენტი „ნაციონალური მოძრაობის“ მიმართ სიმპატიის გამოხატვაში დაადანაშაულა.

ამასთან,  მიხეილ სააკაშვილისა და "რუსთავი 2-ის" საქმეებთან დაკავშირებით სასამართლო გადაწყვეტილებების მიმართ მარგველაშვილის დამოკიდებულება გაიხსენა.

„გიორგი მარგველაშვილი რეგულარულად არღვევდა პრინციპებს, როდესაც საქმე ეხებოდა სასამართლოში კადრების გამწესებას, იყო საუბარი თანამშრომლების გამწესებაზე, იყო არაერთი გადაცდომა სხვა მხრივაც, ეს გვიჩენს განცდას, რომ პრეზიდენტი ამ შემთხვევაშიც იხელმძღვანელებს არა სახელმწიფოებრივი ინტერესებით, არამედ სუბიექტური ინტერესებით, რასაც აქამდე ადგილი ჰქონდა. აქედან გამომდინარე, მეც მიმაჩნია, რომ ამ კონსულტაციებს დიდი აზრი არ ექნება. მოლოდინი არის პესიმისტური, დაველოდებით მოვლენების განვითარებას. პრეზიდენტს აქვს თავისი პრეროგატივა, პარლამენტს აქვს თავისი პრეროგატივა,  ჩვენ ვიმოქმედებთ ჩვენი პრეროგატივის შესაბამისად. მისი დამოკიდებულება სასამართლოს მიმართ არის, სამწუხაროდ, არასახელმწიფოებრივი, ეს მან არაერთხელ გამოავლინა. იყო რამდენიმე შემთხვევა, როდესაც სასამართლომ მიიღო პრინციპული გადაწყვეტილებები კონკრეტულ საკითხებთან დაკავშირებით და სამივე შემთხვევაში სასამართლო გახდა დარტყმის ობიექტი პრეზიდენტის მხრიდან. შეგახსენებთ, რომ სამივე შემთხვევა „ნაციონალურ მოძრაობას“ ეხებოდა. ეს იყო სააკაშვილის ორი საქმე, სადაც ის გამტყუნდა კონკრეტულ დანაშაულებში, ეს იყო ასევე „რუსთავი 2"-ის საქმე, როგორც კი უკავშირდება სასამართლოს გადაწყვეტილება „ნაციონალურ მოძრაობას,“ მარგველაშვილი მაშინვე ხდება აგრესიული, ის გადადის შეტევაზე, ეს არის მისი კერძო დამოკიდებულება, მას აქვს თავისი სუბიექტური განწყობები, მოლოდინები“,-განაცხადა ირაკლი კობახიძემ.

ავტორი: ,

სოციალური ქსელები

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია

ჰერჩინსკი - საქართველო ევროკავშირის კანდიდატად მხოლოდ სახელით რჩება

კალასი - იანვარში საქართველოს შესახებ სიღრმისეულად ვიმსჯელებთ