ვარშავაში, რუსეთის საელჩოსთან ოკუპაციის წინააღმდეგ აქცია გაიმართა

2018-08-09 16:27:09, 1190 ნახვა

პოლიტიკა

პოლონეთის დედაქალაქ ვარშავაში 2008 წლის აგვისტოს ომის 10 წლისთავთან დაკავშირებით აქცია გაიმართა.

აქცია პოლონეთში რუსეთის საელჩოსთან ჩატარდა. აქციის მონაწილეები მცოცავი ოკუპაციის შეწყვეტას ითხოვდნენ.

როგორც აქციის სპიკერმა დავით გამცემლიძემ განაცხადა, "რუსეთი არის ოკუპანტი და საქართველოს დაუძინებელი მტერი".

"იგი იქცევა და არის ტრანს კონტინენტალური კოლონიზატორი. ომი რომელიც დაიწყო 200 წლის წინ სადაც რუსეთი ვერაგულად ღალატობს ყველა პრინციპს და ნორმას", - აღნიშნა მან.

აქციის მსვლელობის დროს მონაწილეებმა რუსეთის საელჩოს საფოსტო ყუთში მომზადებული ბანერები ჩაყარეს, წარწერით "Russia Occupant", "Russia occupied my countries 20%" და ასე შემდეგ.

აღსანიშნავია რომ რიგითი გამვლელები (ფეხით მოსიარულე და ავტომობილით ვინც გადაადგილდებოდა) სოლიდარობას გამოხატავდნენ საქართველოს მიმართ.

აქცია პოლონეთში ქართული დიასპორის ხელშეწყობით ჩატარდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები