ბრიტანეთის სახელმწიფო მინისტრი: ის, რომ საქართველო კვლავ გახლეჩილია, ნამდვილი ტრაგედიაა (ვიდეო)

2018-08-07 17:28:47, 1017 ნახვა

პოლიტიკა

"ის, რომ საქართველო კვლავ გახლეჩილია, ნამდვილი ტრაგედიაა", - ამის შესახებ დიდი ბრიტანეთის სახელმწიფო მინისტრმა სერ ალან დანკანმა 2008 წლის აგვისტოს ომის 10 წლისთავთან დაკავშირებით განაცხადა.

სახელმწიფო მინისტრმა რუსეთს მოუწოდა, საქართველოს ტერიტორიებიდან საკუთარი ჯარი გაიყვანოს და ნაკისრი ვალდებულებები შეასრულოს.

„დღეს ჩვენ გულისტკივილით ვიხსენებთ 2008 წლის რუსეთ-საქართველოს კონფლიქტის მე-10 წლისთავს. ჩვენ ვგლოვობთ დაღუპულებს და გვახსოვს ათასობით ადამიანი, რომლებიც ამ დრომდე საკუთარ სახლებში ვერ ბრუნდებიან. ის, რომ საქართველო კვლავ გახლეჩილი რჩება, ნამდვილი ტრაგედიაა. შეშფოთებას გამოვთქვამთ საქართველოს მიერ არაკონტროლირებად ტერიტორიებზე ადამიანის უფლებების სფეროში შექმნილი სიტუაციის გამო. გაერთიანებული სამეფო გააგრძელებს საქართველოს სუვერენიტეტისა და ტერიტორიული მთლიანობის მტკიცე მხარდაჭერას მის საერთაშორისოდ აღიარებულ საზღვრებში. მოვუწოდებთ ყველა მხარეს, კონსტრუქციულად იმუშაონ ჟენევის საერთაშორისო დისკუსიების ფარგლებში. ასევე მხარს ვუჭერთ საქართველოს ახალ სამშვიდობო ინიციატივას „ნაბიჯი უკეთესი მომავლისკენ“. მოვუწოდებთ რუსეთს, შეასრულოს 2008 წლის 12 აგვისტოს ექვსპუნქტიანი შეთანხმება და გაიყვანოს საკუთარი შეიარაღებული ძალები საქართველოს ტერიტორიიდან კონფლიქტების მშვიდობიანი გზით მოსაგვარებლად“, - განაცხადა დანკანმა.

"We mourn the lives that were lost and the displacement of thousands of people who have still not been able to return to their home"@AlanDuncanMP commemorates the 10th anniversary of the Russia-Georgia conflict pic.twitter.com/OetFkq96aG
— Foreign Office ???????? (@foreignoffice) August 7, 2018