სომხეთის რესპუბლიკის ჯანდაცვის მინისტრი არსენ ტოროსიანი ოფიციალურ დელეგაციასთან ერთად საქართველოს სტუმრობს.

ვიზიტის მიზანს ქვეყნებს შორის თანამშრომლობის გაღრმავება და ჯანდაცვის სფეროში გამოცდილების გაზიარება წარმოადგენს. ვიზიტის ფარგლებში სომხეთის ჯანდაცვის მინისტრი დელეგაციის სხვა წევრებთან ერთად, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს დავით სერგეენკოს და  მინისტრის პირველ მოადგილეს ზაზა ბოხუას შეხდა. კოლეგებმა ორ ქვეყანას შორის ჯანმრთელობის დაცვის სფეროში არსებული თანამშრომლობის მემორანდუმის  პირობები კიდევ ერთხელ განიხილეს.  საუბარი შეეხო საქართველოში მოქმედ საყოველთაო ჯანდაცვის პროგრამას, მისი დაფინანსების მექანიზმებსა და სამედიცინო სერვისების ხელმისაწვდომობის საკითხებს. შეხვედრაზე განხილული იყო საქართველოსა და სომხეთში გატარებული რეფორმები ფარმაცევტული ბაზრის კონტროლისა და მედიკამენტების ხელმისაწვდომობის მიმართულებით. 

საუბრისას განსაკუთრებული ყურადღება დაეთმო თამბაქოს კონტროლის საკითხებს. საქართველოში კანონი თამბაქოს კონტროლის შესახებ 2018 წლის 1 მაისიდან ამოქმედდა, რომლის მიხედვითაც თამბაქოს ნაწარმის მოხმარება ნებისმიერი ტიპის შენობა-ნაგებობაში აიკრძალა. არსენ ტოროსიანმა საზოგადოებრივი თავშეყრის ადგილებში თამბაქოს მოხმარების აკრძალვას მაღალი შეფასება მისცა და არნიშნა, რომ მისი ქვეყანა სწორედ ახლა დგამს ნაბიჯებს ამ მიმართულებით. სტუმარი დაინტერესდა ყველა იმ საკითხით, რაც კანონის მირებასა და ამოქმედებას ახლდა თან. სომეხი კოლეგები აპირებენ, უახლოეს მომავალში გაიზიარონ საქართველოს გამოცდილება თამბაქოს კონტროლის თვალსაზრისით. 
ვიზიტის ფარგლებში სომხეთის დელეგაციის წევრები ქვეყანაში არსებულ სამედიცინო ინფრასტრუქტურას გაეცნნენ. მოინახულეს ფრიდონ თოდუას სამედიცინო ცენტრი და საოჯახო მედიცინის ეროვნული სასწავლო ცენტრი, ასევე გაეცნენ NEW VISION UNIVERSITY’’-ის სამედიცინო პროგრამას. 

სომხეთის დელეგაციაში ჯანდაცვის მინისტრის გარდა მისი მოადგილე არსენ დავითიანი, განათლების მინისტრის მოადგილე ოგანეს ოგანესიანი და პროგრამების რეალიზაციის განყოფილების ხელმძღვანელი აიკ საიადიანი არიან. ვიზიტი ორდღიანია და დელეგეციის წევრები საქართველოს დღეს დატოვებენ. 

(NS)

ავტორი: ,

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს