NDI: გამოკითხულთა 20% საპარლამენტო არჩევნებზე „ოცნებას“ მისცემდა ხმას, 11% კი, „ნაციონალურ მოძრაობას“

2018-08-01 11:50:05, 636 ნახვა

პოლიტიკა

NDI-ის კვლევის თანახმად, ხვალ რომ საპარლამენტო არჩევნები ტარდებოდეს, რესპოდენტთა 20% "ქართულ ოცნებას" მისცემდა ხმას.

ამავე კვლევის მიხედვით, გამოკითხულთა 11% - "ნაციონალურ მოძრაობას" ასახელებს, 4% - "ევროპულ საქართველოს", 3% კი - "ლეიბორისტულ პარტიას".

გარდა ამისა, რესპოდენტთა უმრავლესობა, კერძოდ კი, 30% აცხადებს, რომ არ იცის, რომელ პარტიას დაუჭერდა მხარს, 15% კი ამბობს, რომ არც ერთ პარტიას არ უჭერს მხარს. 10%-მა კითხვაზე პასუხის გაცემაზე უარი განაცხადა.

ცნობისთვის, კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2,409 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები