ხორავას ქუჩაზე მოკლული ერთ-ერთი მოზარდის მამა, ზაზა სარალიძე საქველმოქმედო ფონდს ქმნის.

როგორც სარალიძემ აღნიშნა, საქველმოქმედო ფონდის შექმნა მისი შვილის დაბადების დღეს უკავშირდება, რომელიც სარალიძის თქმით, ყველა გაჭირვებულს ეხმარებოდა.  

“იქიდან გამომდინარე, რომ დათო, თავისი ხანმოკლე სიცოცხლის განმავლობაში მზად იყო ყოველთვის სიკეთე ეკეთებინა და დახმარებოდა გაჭირვებულ ადამიანებს, შევქმენი ფონდი “დათუჩა”, რომელიც დაეხმარება ყველა გაჭირვებულ ადამიანს, ბავშვებს, ვისაც სჭირდება გადაუდებელი ოპერაცია,  არიან სოციალურად დაუცველები. სამართლიანობისთვის ბრძოლის განმავლობაში ნათლად დავინახე, რამდენი გაჭირვებული და სიღარიბის ზღვარს მიღმა მყოფი ბავშვი გვყავს ქვეყანაში. აქედან გამომდინარე, გადავწყვიტე ჩემი შვილის სახელით გავუწიო დახმარება ყველა სოციალურად დაუცველ ადამიანს. არის ბავშვების კატეგორია, რომლებსაც ელემენტარული საცხოვრებელი პირობები და ტანსაცმელი არ აქვთ”, - აღნიშნა მან.

სარალიძის განცხადებით, როგორც კი მისი ქალიშვილი სრულწლოვანი გახდება, ფონდს მის სახელზე გადააფორმებს.

მანვე დასძინა, რომ საქველმოქმედო ფონდში გასაწევრიანებლად კარი ყველასთვის ღიაა.  ფონდში შესული ფულადი დახმარება წელიწადში ერთხელ, დავით სარალიძის დაბადების დღეს, 25 ივლისს გაიცემა. თუმცა, განსაკუთრებულ შემთხვევებში, თუ რომელიმე ბავშვს ფონდის სასწრაფო დახმარება დასჭირდება, გამონაკლისს დაუშვებენ.

ზაზა სარალიძის თქმით, ფონდის შემოსავალი მთიანად შემოწირულობაზე იქნება დამოკიდებული,  ის პერიოდულად გამართავს საქველმოქმედო აქციებს და მოსახლეობას შეეძლება, ბავშვებს დაეხმარონ არა მხოლოდ ფულადი თანხით, არამედ სამოსით, საკვებით, სათამაშოებითა და სხვა საშუალებებით.

მისივე თქმით, ფონდის საქმიანობასთან დაკავშირებით ჯერჯერობით  კონკრეტული შეხვედრები  არავისთან ჰქონია.

ავტორი: ,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა