შუახევის მუნიციპალიტეტში სხავადასხვა მიმართულებით მიმდინარე და განხორციელებულ მასშტაბურ პროექტებთან ერთად, ერთ-ერთ აქტუალურ საკითხად რჩება ტურიზმის განვითარება, ტურისტული და დასასვენებელი კერების მოწყობა.

შუახევის მერიის ცნობით, ამ მიზნით დაიწყო კიდევ ერთი პროექტის განხორციელება, რომელიც ითვალისწინებს ბათუმი- ახალციხის საავტომობილო გზის, ხიჭაური- გორხანაულის (საახალდაბოს) მიმდებარე ტერიტორიის კეთილმოწყობას.

პროექტის ფარგლებში საავტომობილო გზიდან დასასვენებელ ადგილამდე მოეწყობა ასასვლელი კიბე მოაჯირებით, ფანჩატური, საბაღე სკამები და განათება.

მიმდინარე პროექტზე ადგილობრივი ბიუჯეტიდან 18 750 ლარი გამოიყო, მშენებლობას შპს ,,ნანგრუპი“ აწარმოებს.

იგეგმება ასევე, მიმდებარე ტერიტორიაზე სუვენირების სავაჭრო ჯიხურის დადგმაც.

კეთილმოწყობილ ტერიტორიაზე ტურისტებს, როგორც ადგილობრივებს ექნებათ დასვენების, გართობისა და თავისუფალი დროის გატარების შესაძლებლობა.

პროექტის მიმდინარეობას შუახევის მერი ფრიდონ ფუტკარაძე საკრებულოს თავმჯდომარე გიორგი დავითაძესთან, მოადგილე ომარ ტაკიძესთან და სხვა ხელმძღვანელ პირებთან ერთად გაეცნო.

(NS)

ავტორი: ,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები