„ტყის უსისტემო ჭრამ მნიშვნელოვნად შეუწყო ამ ყველაფერს ხელი და ვინც ამით იყო დაკავებული, ამ ხალხს აუცილებლად მივხედავთ“, - ამის შესახებ პრემიერ-მინისტრმა მამუკა ბახტაძემ განაცხადა, რომელიც ჭუბერში სტიქიის შედეგების სალიკვიდაციოდ მიმდინარე სამუშაოებსა და არსებულ ვითარებას ადგილზე ეცნობა.

„მინდა აღვნიშნო, რომ პირველადი შეფასებით რა თქმა უნდა ჭარბა ნალექმა გამოიწვია ეს ყველაფერი, მაგრამ ისიც უნდა აღვნიშნო, რომ ტყის უსისტემო ჭრამ მნიშვნელოვნად შეუწყო ამ ყველაფერს ხელი და ვინც ამით იყო დაკავებული, ამ ხალხს აუცილებლად მივხედავთ. ტყის უსისტემო ჩეხვა არ შეიძლება“, - აღნიშნა ბახტაძემ.

პრემიერის განცხადებით, იმ ტერიტორიებიდან, სადაც საფრთხე არსებობს, მოსახლეობა ევაკუირებულია. მისივე თქმით, მიმდინარეობს შესაბამისი სამუშოები, რათა მდინარემ გზის უფრო მეტად გამორეცხვა არ მოახდინოს.

„წყლის დონე არ არის დაწეული, აქედან გამომდინარე საგანგებო შტაბში გადაწყვეტილება მიიღეს, რომ ის სახლები, რომელსაც ემუქრება საფრთხე, არის დაცლილი. მოსახლეობას ვეხმარებით, რომ გამოიტანონ თავიანთი ნივთები. უშუალოდ კაპიტალური შეკეთება გზის ვერ დავიწყეთ იმის გამო, რომ წყლის დონე არ იკლებს. ვცდილობთ მაქსიმალურად უზრუნველვყოთ ის, რომ მდინარემ არ მოახდინოს გზის უფრო მეტად გამორეცხვა და მიმდინარეობს შესაბამისი სამუშაოები. ევაკუაცია მოვახდინეთ იმ ადამიანების, ვისაც ემუქრებოდა საფრთხე. რამდენიმე ტურისტს გამოვიყვანთ უახლოესი საათების განმავლობაში.  ვეტმფრენი მორიგეობს, ვითარებას ვაკონტროლებთ მუდმივ რეჟიმში, რათა წყლის დონის მომატების შემთხვევაში მივიღოთ დამატებითი ღონისძიებები. ამ ეტაპზე ეს რისკები არ არსებობს.

ცნობისთვის, უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ათეულობით თემი გარესამყაროს მოწყვიტა, უხვმა ნალექმა  ჩამორეცხა სოფლებს შორის დამაკავშირებელი საავტომობილო გზები. ღვარცოდფის სალიკვიდაციოდ  მოხდა დამატებითი სამაშველო ჯგუფებისა და ტექნიკის მობილიზება უახლოესი ლოკაციებიდან.

ავტორი: ,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება