კოალიცია დამოუკიდებელი და გამჭვირვალე მართლმსაჯულებისთვის, რომელიც 30-ზე მეტ არასამთავრობო ორგანიზაციას მოიცავს, მთავარი პროკურორის არჩევის შეჩერებას მოითხოვს.

როგორც არასამთავრობოებმა დღეს გამართულ პრესკონფერენციაზე განაცხადეს, ბოლოდროინდელმა მოვლენებმა ცხადყო, რომ პროკურატურისა და საგამოძიებო სისტემის არსებული მოდელი შესაცვლელია.

მესამე სექტორი განმარტავს, რომ ეს მოდელი ვერ უზრუნველყოფს დამოუკიდებლობის, მიუკერძოებლობისა და პროფესიონალიზმის კუთხით არსებულ გამოწვევებს. ,ათივე მტკიცებით, ვერ მოხდა პროკურატურის დეპოლიტიზება, რაც საზოგადოების ნდობაზე აისახება.

 „ჩვენ ვფიქრობთ, რომ მოქმედი წესით მთავარი პროკურორის შერჩევა ვერ უზრუნველყოფს ამ თანამდებობაზე პოლიტიკურად ნეიტრალური, მაღალი პროფესიონალიზმით გამორჩეული კანდიდატის შერჩევას. მოქმედი წესი გულისხმობს იმას, რომ კანდიდატი უნდა დაასახელოს იუსტიციის მინისტრმა ანუ მაღალია პოლიტიკური მონაწილეობა ამ პროცესში. მიღებულია კონსტიტუციური ცვლილებები, რომელიც რამდენიმე თვეში ძალაში უნდა შევიდეს და სწორედ ამ მომენტს უკავშირდება პროკურატურის ფუნდამენტური რეფორმირება. დღეს პროკურატურის სისტემა კვლავ რჩევა იუსტიციის სამინისტროს ზედამხედველობის ქვეშ, თუმცა კონსტიტუციური რეფორმა მთლიანად ცვლის პროკურატურის სისტემას, მათ შორის მთავარი პროკურირის შერჩევის წესებს. თუკი ჩვენ დღეს ხარვეზიანი წესით ავირჩევთ მთავარ პროკურორს 6 წლის ვადით, ეს ნიშნავს იმას, რომ ის კონსტიტუციური ცვლილებები, რომლებიც რამდენიმე თვეში ამოქმედდება, ვერანაირ გავლენას ამ უწყების გაჯანსაღებასა და დეპოლიტიზირებაზე ვეღარ მოახდენს", - ნათქვამია განცხადებაში.

არასამთავრობო ორგანიზაციები ხელისუფლებას მოუწოდებენ, რომ მთავარი პროკურორის მოქმედი წესით არჩევის პროცესი შეაჩეროს; მთავარი პროკურორის არჩევის წესში ძირეული ცვლილებები შეიტანოს და იუსტიციის მინისტრი პროცესს ჩამოშორდეს.

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს