2018-07-02 20:38:47, 536 ნახვა

---

„საქართველო ტერორისტულ აქტებს აწყობდა“ - ე.წ. სამხრეთ ოსეთმა „ოთხოზორია-ტატუნაშვილის სიას“ ცინიკური უწოდა

ე.წ. სამხრეთ ოსეთის დე-ფაქტო საგარეო საქმეთა სამინისტრო "ოთხოზორია-ტატუნაშვილის სიას" ეხმაურება.

როგორც ე.წ. უწყების განცხადებაშია აღნიშნული, ქართული მხარე ტატუნაშვილის სიკვდილს პოლიტიკური ქულების დასაწერად იყენებს.

"მხედველობაში, რომ მივიღოთ ის მუდმივი არასტაბილური შიდაპოლიტიკური სიტუაცია, რომელიც საქართველოში ბოლო დროის განმავლობაში გააქტიურდა, გამოდის დასკვნა, რომ თბილისმა გადაწყვიტა გამოიყენოს საქართველოს მოქალაქის, არჩილ ტატუნაშვილის გარდაცვალება ყველა შესაძლო პოლიტიკური დივიდენდების მისაღებად. განსაკუთრებით ცინიკურია, რომ ეს ხდება ქვეყანაში, რომელმაც 1989-დან 1992 წლამდე 100 ათასობით ოსი გააძევა საკუთარი ტერიტორიიდან და წლების განმავლობაში სამხრეთ ოსეთის ტერიტორიაზე ტერორისტულ აქტებს აწყობდა. ოთხოზორია ტატუნაშვილის სია იმას ადასტურებს, რომ საქართველო ვერ გრძნობს საკუთარ დანაშაულს მეზობელი სახელმწიფოების, სამხრეთ ოსეთის და აფხაზეთის წინაშე. ეს რეზოლუცია ცუდად აისახება ჟენევის მოლაპარაკებებზე. გარდა ამისა, სამხრეთ ოსეთი იტოვებს უფლებას შესაბამისი ზომები გამოიყენოს საქართველოს მოქალაქეების კონრეტული კატეგორიის წინააღმდეგ. გვსურს, რომ "ევროპული ტიპის საქართველოში" გაიაზრონ, რომ სამართლიანობა აუცილებელია და ისინი იპოვიან ყველა დამნაშავეს, რომლებმაც ოსების წინააღმდეგ დანაშაული ჩაიდინეს", - ნათქვამია დე-ფაქტო საგარეო უწყების განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი