ხორავას ქუჩაზე მოკლული მოზარდის მამის, ზაზა სარალიძის ადვოკატი ნესტან ლონდარიძე დროებითი საგამოძიებო კომისიის რეკომენდაციების შინაარსს ეთანხმება.

როგორც მან აღნიშნა, რეკომენდაციებში ასახულია ის საკითხები, რომლებიც გამოძიებას აქამდე უნდა გაეკეთებინა.  

„გავეცანით ამ რეკომენდაციების შინაარსს და რა თქმა უნდა, ვეთანხმებით. აქ ძირითადად დასმულია ის საკითხები, რომლებიც გამოძიებას უკვე უნდა გაეკეთებინა. ის რეკომენდაციები, რაც წარმოგვიდგინეს, უნდა შესრულებულიყო. საქმის მტკიცებულებები გვაძლევს საფუძველს, რომ დავეთანხმოთ კომისიის რეკომენდაციებს. ძალიან მნიშვნელოვანია, დაიწყოს გამოძიება იმ პიროვნების მიმართ, რომელსაც ცნობილია, რომ აქვს ჭრილობა მიყენებული და დღემდე ამ კუთხით არანაირი ქმედითი ნაბიჯები არ არის გადადგმული. უფრო მეტიც, როდესაც ჩვენ ვკითხულობთ, არის თუ არა ამ ნაწილში გამოყოფილი საქმე და თუ მიმდინარეობს ამ კუთხით ძიება, პასუხი არის ასეთი, რომ საქმე გამოყოფილი არის მოწმეებზე ზემოქმედებისა და შეუტყობინებლობის კუთხით და ამ ნაწილში ისინი სწავლობენ ყველა დანარჩენ საქმეს, რაც მიგვაჩნია, რომ არის არასწორი. რაც შეეხება მეორე რეკომენდაციას, დიდი ალბათობით, მ.კ.-მ უფრო რთული როლი შეასრულა ამ საქმეში, რასაც დაზარალებული მხარე მუდმივად ვაპელირებთ. იმდენად სრულად არის ორივე რეკომენდაცია დასაბუთებული, რომ ჩვენ მხარს ვუჭერთ მის დამტკიცებას“, – განაცხადა ადვოკატმა ნესტან ლონდარიძემ.

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა