"რას ჰქვია მუქარის შემცველი წერილები მივწერე?! მე პროკურორ ზვიად ფხაკაძეს ვაგინებდი", - ასე გამოეხმაურა ხორავას ქუჩაზე მოკლული მოზარდის მამა, ზაზა სარალიძე პროკურორის ბრალდებას, რომლის თანახმადაც სარალიძისგან მუქარის შემცველი შეტყობინებები მიიღო.

სარალიძემ საქმის პროკურორს მოუწოდა მათი მიმოწერა გაასაჯაროვოს, რათა საზოგადოებამ დასკვნები თავად გააკეთოს.

"როდესაც მკვლელებს იცავდა მაშინ ვაგინებდი. შენი დღეები დათვლილია მაგ ვითომ პროკურატურაში ესეც მივწერე. ეს მუქარა არის?! ვუყურებდი მის ჩვენებას პირდაპირ ეთერში და პერიოდულად ვწერდი, რამე როცა არ მომეწონებოდა. შენ ხარ მკვლელების ხელის დამფარებელი მივწერე და მერე მივაგინე. ჩემი შვილის მკვლელს იცავს კბილებით და ვთხოვდი სად არის ჩემი შვილის მკვლელი. ახლაც შევაგინებ თუ გინდათ, რა პრობლემაა. სასამართლო დარბაზიდან, რომ გამოვიქეცი მაშინ არ ვაგინებდი?! მაშინ რატომ არ მომთხოვა პასუხი? თუ კაცია ადგეს და გაასაჯაროვოს ჩვენი მიმოწერა, რომ მთელმა საქართველომ ნახოს რა სიტყვებით და რატომ ვაგინებდი. რას ჰქვია მუქარის შემცველი მიმოწერა? გაასაჯაროვოს და მიხვდება საზოგადოება მუქარის შემცველი წერილი იყო თუ რა იყო", - განაცხადა ზაზა სარალიძემ.

ცნობისთვის, ხორავას ქუჩის საქმის პროკურორი, ზვიად ფხაკაძე აცხადებს, რომ გუშინ, როდესაც საგამოძიებო კომისიას ახსნა-განმარტებებს აძლევდა, მობილურ ტელეფონზე მუქარის შემცველი შეტყობინებები მიიღო.

ავტორი: ,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს