ბათუმში მეზღვაურთა საერთაშორისო დღისადმი მიძღვნილ საზეიმო ღონისძიება გაიმართა. ბათუმის ნავმისადგომთან შეკრებილ მეზღვაურებს, სტუდენტებსა და ღონისძიების სტუმრებს საქართველოს პრემიერ-მინისტრმა მამუკა ბახტაძემ და აჭარის მთავრობის თავმჯდომარემ ზურაბ პატარაძემ პროფესიული დღე მიულოცეს.

საქართველოს პრემიერ მინისტრმა სიტყვით გამოსვლისას ყურადღება გაამახვილა მეზღვაურთა როლზე ქვეყნის ეკონომიკის განვითარებაში. "იყო მეზღვაური ნიშნავს იყო ერთ-ერთი ყველაზე უფრო ვაჟკაცური პროფესიის წარმომადგენელი. მინდა მადლობა გადაგიხადოთ რასაც თქვენ აკეთებთ ჩვენი ეკონომიკისთვის. მე ძალიან მიხარია, რომ თქვენი პროფესია უფრო და უფრო პოპულარული ხდება ახალგაზრდებში. დღეს ჩვენ საზღვაო სასწავლებლების ისტორიაში პირველად გავუშვებთ საწვრთნელ გემს "კადეტი". ეს არის ძალიან მნიშვნელოვანი ჩვენთვის",- აღნიშნა მამუკა ბახტაძემ.

რეგიონის პირველმა პირმა ხაზი გაუსვა საზღვაო მიმართულებით განათლების მნიშვნელობასა და ამ სფეროში განხორციელებულ რეფორმებს. მისი თქმით, საქართველოს ახლად არჩეული პრემიერ- მინისტრის აჭარაში მეზღვაურთა საერთაშორისო დღეს სტუმრობა კიდევ ერთხელ ადასტურებს მეზღვაურთა პროფესიის მნიშვნელობას და მის კავშირს ზღვისპირა ქალაქთან.

"საზღვაო სფეროს კიდევ უფრო განვითარებას პროფესიონალი კადრები სჭირდება.  ამ კუთხით ბათუმში მართლაც ძალიან დიდი პროგრესი გვაქვს. საზღვაო მიმართულებით  არსებული საგანმანათლებლო დაწესებულებები თანამედროვე მოთხოვნების შესაბამის კვალიფიციურ კადრებს ამზადებენ. ყოველწლიურად იზრდება უმაღლეს სასწავლებლებში სტუდენტთა რაოდენობა საქართველოს სხვადასხვა კუთხიდან და უცხოეთიდან" ,- განაცხადა სიტყვით გამოსვლისას ზურაბ პატარაძემ.

მეზღვაურთა ღვაწლის დასაფასებლად გაიმართა დაჯილდოების ცერემონიალი. საზღვაო სფეროში შეტანილი განსაკუთრებული წვლილისათვის და ზღვაზე ჩადენილი სიმამაცისთვის  ქართველ მეზღვაურებს ჯილდო ეკონომიკისა და მდგრადი განვითარების მინისტრმა გიორგი ჩერქეზიშვილმა გადასცა. აჭარის მთავრობის თავმჯდომარემ კი,  ჯილდო გარდაცვლილი კაპიტნის შაქრო ვარშანიძის შვილს პირადად გადასცა.

გარდაცვლილი მეზღვაურების საპატივსაცემად ზღვაში გვირგვინები ჩაუშვეს.

ცერემონიალის ბოლოს, ბათუმის სახელმწიფო საზღვაო აკადემიის  ისტორიაში პირველად  გემი „კადეტი" პირველ საერთაშორისო ნაოსნობაში გაემგზავრა.

(NS)

ავტორი: ,

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ