2018-06-20 17:55:18, 633 ნახვა

---

ბახტაძე კანდელაკს: 7 თვის განმავლობაში ვიყავი მინისტრი და შეგიძლიათ დაითვალოთ, რამდენჯერ მოვედი პარლამენტში

„მე ვიქნები ძალიან აქტიური პარლამენტთან მუშაობაში“, - ასე უპასუხა პარლამენტის რიგგარეშე სხდომაზე პრემიერ-მინისტრობის კანდიდატმა მამაუკა ბახტაძემ „ევროპული საქართველოს“ წევრის, გიორგი კანდელაკის შეკითხვას.

კანდელაკმა ბახტაძეს ჰკითხა, დებს თუ არა პირობას, რომ საკანონმდებლო ორგანოში თვეში ერთხელ მაინც მივა.

„ვივლი თუ არა მე პარლამენტში? ბატონო გიორგი, გუშინ მე ძალიან ფუნდამენტური პასუხი გაგეცით ამ შეკითხვაზე. მე ვფიქრობ, რომ ამ შეკითხვას ჩემს მიმართ ნამდვილად არ აქვს ვალიდურობა თქვენი მხრიდან. მე ვიყავი მინისტრი 7 თვის განმავლობაში და შეგიძლიათ დაითვალოთ, რამდენჯერ ვიყავი პარლამენტში, მათ შორის ჩემი ინიციატივით გამოვთქვი სურვილი, რომ შევხვედროდი თქვენს პოლიტიკურ გუნდს და ჩემი მიზეზით ნამდვილად არ იყო რომ ვერ მოხდა ამ შეხვედრის ორგანიზება, ეს მიუთითებს ჩემს განწყობაზე პარლამენტთან ურთიერთობაში, მე ვიქნები ძალიან აქტიური პარლამენთან მუშაობაში“, - მიმართა ბახტაძემ კანდელაკს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი