„ჩემგან თეა წულუკიანს ეკუთვნის, რომ მისთვის ნასროლ ქვას წინ დავუდგე და მოვიხვედრო“, - ამის შესახებ საპარლამენტო უმრავლესობის წევრმა გედევან ფოფხაძემ იუსტიციის მინისტრის შესაძლო ცვლილებასთან დაკავშირებით განაცხადა.

როგორც მან აღნიშნა, თეა წულუკიანი ქართულ პოლიტიკაში მაღალი სტანდარტის მაჩვენებელია.

„თუ ვინმე გადაწყვეტს, რომ მას ესროლოს ქვა, ჯერ თვითონ იყოს იმ პოლიტიკური სტანდარტების მატარებელი და ერთგული, რაც გააჩნია იუსტიციის მინისტრს. შესაბამისად, ჩემგან თეა წულუკიანს ეკუთვნის, რომ მისთვის ნასროლ ქვას წინ დავუდგე და მოვიხვედრო და სხვებმა როგორც უნდა ისე ჩათავლონ“, განაცხადა გედევან ფოფხაძემ.

შეგახსენებთ, პრემიერ-მინისტრობის კანდიდატმა მამუკა ბახტაძემ დღეს გამართულ ბრიფინგზე განაცხადა, რომ სამთავრობო პროგრამის ერთ-ერთი მთავარი პრინციპი მცირე  მთავრობის კონცეფციაა, რაც საკანონმდებლო ცვლილებებს და შესაბამისად, გარკვეულ დროს საჭიროებს. სწორედ ამის გამო, ბახტაძის თქმით, მთავრობისთვის ნდობის გამოცხადება კანონით დადგენილ ვადებში ვერ ესწრება.

„შედეგად ვიღებთ ვითარებას, როცა ხვალ პარლამენტის წინაშე ნდობის მოსაპოვებლად უნდა წარვდგეთ  დღეს არსებული სამთავრობო სტრუქტურით და კაბინეტის წევრთა ფორმალური შემადგენლობით, რომელთა ნაწილი ახალი კაბინეტის წევრი აღარ იქნება. დაახლოებით 2-3 კვირის შემდეგ, როდესაც საკანონმდებლო და საკადრო ცვლილებები განხორციელდება, ხელახლა უნდა გავიაროთ ნდობის გამოცხადების პროცედურა უკვე განახლებულ მინისტრთა კაბინეტთან ერთად“, - განაცხადა მამუკა ბახტაძემ.

ავტორი: ,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა