„ვერ დალაგდნენ, ვერ გაიგეს, თუ რა აკეთონ თავად ხვალ ან ზეგ“, - ასე გამოეხმაურა „ნაციონალური მოძრაობის“ ერთ-ერთი ლიდერი ნიკა მელია პერმიერ-მინისტრობის კანდიდატის, მამუკა ბახტაძის დღევანდელ განცხადებას.

 „ის რაც დღეს ხდება „ქართული ოცნების“ თავს, მანახეთ ერთი სახელმწიფო სადაც მსგავსი პრეცედენტი მომხდარა. ე.ი. ამტკიცებენ მინისტრებს, რომლებზეც ამბობენ, რომ ეს მინისტრები არ იქნებიან 2-3 კვირაში. ვერ დალაგდნენ, ვერ გაიგეს, თუ რა აკეთონ თავად ხვალ ან ზეგ. არ არსებობს კონკრეტული გეგმა და ყოველი დღე მიანიშნებს იმაზე, რომ ქვეყანას ხელისუფლება უფსკრულისკენ მიაქანებს. ამიტომ საზოგადოება, სამოქალაქო სექტორი, ყველა ღირსეული ოპოზიციური პარტია, აუცილებლად უნდა იყოს აქტიური, როგორც არასოდეს, რადგან ქვეყნის განვითარება დავიწყოთ რაც შეიძლება სწრაფად  და ეს არ მოხდება სანამ „ქართული ოცნება“ იქნება მართვის სადავეებთან“, - განაცხადა ნიკა მელიამ.

შეგახსენებთ, პრემიერ-მინისტრობის კანდიდატმა მამუკა ბახტაძემ დღეს გამართულ ბრიფინგზე განაცხადა, რომ სამთავრობო პროგრამის ერთ-ერთი მთავარი პრინციპი მცირე  მთავრობის კონცეფციაა, რაც საკანონმდებლო ცვლილებებს და შესაბამისად, გარკვეულ დროს საჭიროებს. სწორედ ამის გამო, ბახტაძის თქმით, მთავრობისთვის ნდობის გამოცხადება კანონით დადგენილ ვადებში ვერ ესწრება.

„შედეგად ვიღებთ ვითარებას, როცა ხვალ პარლამენტის წინაშე ნდობის მოსაპოვებლად უნდა წარვდგეთ  დღეს არსებული სამთავრობო სტრუქტურით და კაბინეტის წევრთა ფორმალური შემადგენლობით, რომელთა ნაწილი ახალი კაბინეტის წევრი აღარ იქნება. დაახლოებით 2-3 კვირის შემდეგ, როდესაც საკანონმდებლო და საკადრო ცვლილებები განხორციელდება, ხელახლა უნდა გავიაროთ ნდობის გამოცხადების პროცედურა უკვე განახლებულ მინისტრთა კაბინეტთან ერთად“, - განაცხადა მამუკა ბახტაძემ.

ავტორი: ,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა